Mateo 23:27 - Livulu lya Shukulu Kalunga

²⁷ “Tuyando tweni, valongisi va majwi a Lishiko na vaFaliseo! Eni vaka-civembulu! Yeni munapu ngwe vimbumbo vyakusalimba akamwa lika, oloni mukati munashulu vitsiya vya vatsi na vyakuvola vyeka na vyeka.

Mateo 23:27 Iomraidhean Croise

Visimo 26:23

Majwi a civembulu, na mbunge ya vuvi, vinapu ngwe siliva ya kujelesa ije vanafwiki a ndeo ya vuma ya seo.

Kulava 19:16

Nga munu akwata a munu uje ivanatsiila anja yangoco, nambe uje natsi ku monde, nambe nga munu akwata a citsiya ca munu watsile laja, nambe a mbumbo, co ikeye akapwa wakujeneka kujela a matangwa atanu na avali.

Mateo 23:28

Neni vanu lalo akumikenga, munapu ngwe mu vaka-vushunga, oloni mu vimbunge vyeni munashulu na civembulu na vivi.

Luka 11:44

Tuyando tweni! Omwo munalifu ngwe vimbumbo vyakujeneka cimweso aje vanu vendao kujeneka kuzivuka.”

Vilinga vya Miluwa 23:3

Asinoni Paulu wendekele kuli ikeye ngwendi, “Mwa vushunga vene Njambi akakupupa, yove civumbe cakukwita mufwitilo wakutoka! Utumbama kuno mukunjisompa ngwe ku Lishiko, oloni yove unapokola Lishiko akushika ngeci vanjipupe!”

Ngalatiya 6:12

Vanu vaje valinakweseka kumisindiya ngeci mutuuke vakevo vaje vashaka kulimwesa na kulyalesa a vin̄anda vya anja. Nameme ngoco, vakevo valinakucilinga ngeci kesi vavapakese omwo cilindakano ca Kilistu.