Mateo 23:13 - Livulu lya Shukulu Kalunga

¹³ “Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Mateo 23:13 Iomraidhean Croise

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Zakaliya 11:17

Kanyungi uje wakujeneka seo navindama! Naseze vutanga vwendi. Mwa vushunga nzita ikamanesa nzili yendi. Livoko lyendi likasekwa, co lisho lyendi lya ku cilyo likatsa.”

Mateo 23:16

“Tuyando tweni, eni vantwama va tupuputwa! Yeni mukalongesa ngweni, ‘Nga munu alisinga na Njuvo ya Shukulu Kalunga kukwesi cimo, oloni nga alisinga na ngolinde ya mu Njuvo ya Shukulu Kalunga, ikeye nakutiwa.’

Mateo 23:23

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo.

Mateo 23:25

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukajelesa nganja na lilonga akamwa, oloni mukati munashulu na vyakulya vije munawana mu ngila ya muuka na kulyalesa.

Mateo 23:27

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni munapu ngwe vimbumbo vyakusalimba akamwa lika, oloni mukati munashulu vitsiya vya vatsi na vyakuvola vyeka na vyeka.

Mateo 23:29

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukatungu vimbumbo vya vaka-kwimanena akamwa nakuvwaesa vimbumbo vya vaka-vushunga,

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Luka 11:52

“Tuyando tweni, valongisi va majwi a Lishiko! Munanyungu sapi yakushokolwesa ku cikolo ca mana, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa!”

Yowano 9:22

Visemi vendi vendekele ngeci omwo vazivile lyova lya vakulunu va vaYunda, vaje valizivasanene laja ngeci nga umo endeka ngwendi Kilistu ikeye Wakuvwavesa, co vamusheka mu sinangonge.

Yowano 9:24

Ngecivene, vasanene uje munalume wapwile kapuputwa lwamucivali vamwihwile ngwavo, “Kulaesa ku mesho a Njambi ngeci wendeka vushunga! Tunazivuka ngwetu munalume ou nakutonesa napu muka-vuvi.”

Yowano 9:34

Vakumbulwile ngwavo, “Yove wasemukile nakukulelela mu vuvi, co ushaka kutulongesa ndi?” Co vamushekele mu sinangonge.

Vilinga vya Miluwa 13:8

Oloni vavavindikile kuli muka-manseno Elyamase (eli likelyo lizina lyendi lya mu ciNgiliki), uje wesekele kutundisa nguvulu kukukulaela.

Vilinga vya Miluwa 5:28

“Twamishikile ngwetu kesi mulongese lalo mu lizina lya munalume ou, oloni kengeni evi vimunalingi! Munashandola laja vilongesa vyeni mu Yelusalema mwoshe, co mushaka lalo mutuwanese mulonga wa kutsa kwendi!”

Vilinga vya Miluwa 5:40

Ngecivene, vasanene vaje miluwa ngeci vakovele, vavapupile nakuvashika ngwavo kesi vendeke lalo mu lizina lya Yesu, asinoni vavecelele.

Vilinga vya Miluwa 8:1

Co Saulu watavele kutsa kwa Setefano. A litangwa lije vene cikungulukilo ca mu Yelusalema cashangumukile kuyanda na mapakeso. Vaka-kukulaela voshe, kuvanga lika miluwa, vashandokelele mu mafuti a Yundeya na Samaliya.

2 Timateo 3:8

Ngwe Njane na Njambele valwisile Mosesa, ngecivene, na vanu ava lalo valinakulwisa vushunga, vanu vaje mana avo kuwesi nakupanga, co vanapu vaka-kwonwa mukukulaela.

2 Timateo 4:15

Nove lalo unapande kumutewa, omwo ikeye walwisile muzimbu wetu na muuka.