Mateo 23:12 - Livulu lya Shukulu Kalunga

¹² Woshe alyamesa ikeye vavenya, vakamupwisa wamundondo, co woshe alikeesa ikeye vavenya vakamwamesa.

Mateo 23:12 Iomraidhean Croise

Yombi 22:29

Njambi akakeesa vaka-kulyalesa, co akaamesa vaka-kulilumbilisa.

Myaso 138:6

Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

Visimo 15:33

Kukomoka Shukulu Kalunga, kulongesa munu mana, akulivanga unapande kulikeesa, asinoni uwane kasingimiko.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Mateo 18:4

Woshe alikeesa ngwe mwanike wamundondo, ikeye napu wakama mu Vumwene vwa mwilu kutuvakana vakwavo.

Mateo 5:3

“Vanavezika vaka-kuutwa mu munzinzime, omwo Vumwene vwa mwilu vunapu vwavo!

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

Luka 18:14

Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

1 Petulu 5:6

Likeeseni yeni vavenya mwisi ya livoko lya nzili lya Njambi, ngeci amijundule a simbu yendi yaivwa.