Mateo 22:37 - Livulu lya Shukulu Kalunga

³⁷ Co Yesu wamukumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na mana ove oshe!

Mateo 22:37 Iomraidhean Croise

Mateo 22:36

Wamwihwile ngwendi, “Mulongisi, lishiko mukajo lyakama ku Mashiko?”

Mateo 22:38

Eli likelyo lishiko lyakama lyakulivanga.

Mako 12:33

Co munu napande kuzema Njambi na mbunge yendi yoshe, na mana endi oshe, na nzili yendi yoshe, co napande kuzema mundambo wendi ngwe mwalizema ikeye vavenya. Mwamuvwa kwononoka mashiko awa avali kutuvakana kunena tusitu va n̄ombelo nakukombelela lalo vin̄ombelo vikwavo kuli Njambi.”

Luka 10:27

Co uje munalume wakumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na nzili yove yoshe, na mana ove oshe, co zema mukweni ngwe muwalizema yove vavenya.”

Loma 8:7

Omwo cizango ca vusitu cikeco cinena vutozi kuli Njambi, kucasa kwononoka Mashiko a Njambi, co kucitava vene.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

Kwituluka mu Mashiko 6:4

“Tolilileni yeni vaIsalele! Shukulu Kalunga ikeye lika Shukulu Kalunga Njambi yetu.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

1 Yowano 4:21

Co eli likelyo lishiko lyanatwana Kilistu, woshe uje azema Njambi napande kuzema vakwavo lalo.