Mateo 22:3 - Livulu lya Shukulu Kalunga

³ Co watumine vangamba vendi mukuleka vaje vavalanyele ku ciwano, oloni vakevo vavyanene.

Mateo 22:3 Iomraidhean Croise

Myaso 68:11

Shukulu Kalunga washikile lishiko, co vanakazi vavangi vambulwile muzimbu ngwavo,

Isaya 30:15

Shukulu Kalunga wa Akamwa ya Vyoshe, Njambi Wakujela wa Isalele, nendeka kuli vanu ngwendi, “Mukutenguluka namukuhwima mukemwo mumukawana mwonyo, co mu kwoloka namukukulaela mukemwo mumukawana nzili.

Njelemiya 25:4

Kumwasele kutolilila nambe kumbako mbunge, nameme Shukulu Kalunga watwaleleo kutuma vangamba vendi vaka-kwimanena, kuli yeni.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Hoziya 11:2

Nameme yange njamusanene oloni ikeye watundile kuli yange. Vanu vange vakombelelele kuli Mbale, co venyekelele insense ku tumponya.

Hoziya 11:7

Valambelela ngeci vatunde kuli yange. Vakalilila kuli yange omwo mandauluwa ije ili ali vakevo, oloni naumo wai akavatundisayo.

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Mateo 21:34

Omo simbu yakuvuya vushuka yetele, watumine vindungo vendi kuli vaka-kupanga mukutambula litambelo lyendi ku vije vanateje.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Mateo 3:2

“Tengulukeni ku vivi vyeni, omwo Vumwene vwa mwilu vuli muyehi!”

Mateo 9:15

Yesu wavakumbulwile ngwendi, “Kuma yeni mukengelela vangenzi ku ciwano ca vulo ngeci vaye na njala ndi? Mwa vushunga vene embwe! Omo vavenya vulo acili navo kuvapandele kulinga ngacije. Oloni litangwa likaija omo vakatundisa vavenya vulo akati kavo, asinoni vakalikela kulya.

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Luka 15:28

Co uje mukulunu wendi waluvalele manene kakovelele mu njuvo, ngecivene, ishe wezile wamulambelelele ngeci akovele.

Luka 19:27

Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Yowano 5:40

Oloni kumushaka kwija kuli yange ngeci mukale na mwonyo.

Vilinga vya Miluwa 13:45

Omo vaYunda vamwene vimbunga, co vakele na lifuwa, vavyanene vije vyendekele Paulu nakumushaula.

Loma 10:21

Oloni alinakwendeka ali Isalele ngwendi, “Simbu yoshe njashakele kutambula vanu vaka-kujeneka kwononoka vakevo lalo vaka-kutengulukila.”

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

VaHevelu 9:15

Omwo cuma eci Kilistu ikeye navwaesa cikumiiyo caliha, ngeci vaje vanasana Njambi vakatambule vivezikiso vya myaka yoshe vije vyanavakulaesa Njambi. Eci casa kulingiwa omwo a kutsa kuje vemikile kwakupatula vanu vatunde ku kupenga-penga kuje valingile omo vakele mu cikumiiyo cakulivanga.

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

1 Samwele 9:13

Omo muketamo, co mukamuwana, omwo kanda acilamate ku lilundu nakukalya, vanu lalo kuvasa kulya, na vaje vavanalanya kuvasa kulya kuvanga naija, omwo ikeye napande kuvezikisa n̄ombelo. Ololo lamateni vwasi-vwasi muliwane nendi.”