Mateo 22:21 - Livulu lya Shukulu Kalunga

²¹ Vamukumbulwile ngwavo, “Vya Sezale.” Asinoni Yesu wendekele kuli vakevo ngwendi, “Mwamuvwa, ngecivene, aneni kuli Sezale vije vinakundama kuli Sezale, co aneni kuli Njambi vije vinakundama kuli Njambi.”

Mateo 22:21 Iomraidhean Croise

Visimo 24:21

Munange, singimika Shukulu Kalunga, nakusingimika lalo mwene. Kesi ulipandakane na vanu vaje vaka-kuvatengulukila,

Mateo 22:20

co wavehwile ngwendi, “Cihanga ceya na lizina lyeya evi viliho?”

Mateo 22:37

Co Yesu wamukumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na mana ove oshe!

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Mako 12:17

Ngecivene, Yesu wendekele kuli vakevo ngwendi, “Mwamuvwa, asinoni aneni kuli Sezale vije vinakundama kuli Sezale, co aneni kuli Njambi vije vinakundama kuli Njambi.” Co valikomokelele manene kuli Yesu.

Luka 20:25

Co Yesu wendekele kuli vakevo ngwendi, “Mwamuvwa, ngecivene, aneni kuli Sezale vije vinakundama kuli Sezale, co aneni kuli Njambi vije vinakundama kuli Njambi.”

Luka 23:2

Co vashangumukile kumuvangela ngwavo, “Tunawana ou munalume alinakutangula vanu vetu, alinakuvindika kufweta lisimu kuli Sezale nakulitumbula ikeye vavenya ngwendi ikeye Wakuvwavesa, mwene.”

Vilinga vya Miluwa 4:19

Oloni Petulu na Yowano vavakumbulwile ngwavo, “Yeni vavenya waneni cuma muka cacivwa ku mesho a Njambi, kwononoka yeni nambe kwononoka Njambi.

Vilinga vya Miluwa 5:29

Oloni Petulu na miluwa vakwavo vavakumbulwile ngwavo, “Tunapande kwononoka Njambi, kesi vanu.

Loma 13:7

Fweteni vije vinapu vyavo, vafweteni lisimu lyeni na lisimu lya ku vufuko vweni, co mweseni kasingimiko kuli voshe ava.