Mateo 22:12 - Livulu lya Shukulu Kalunga

¹² Co mwene wamwihwile ngwendi, ‘Musamba, vatijo unakovelele muno kujeneka vuzalo vwa ciwano ca vulo?’ Oloni uje munu wolokele kuluu nacimo cai cendekele.

Mateo 22:12 Iomraidhean Croise

Yombi 5:16

Aana cinyangavili ku tuutu, nakwolwesa vaka-vuvi.

Myaso 107:42

Vaka-vushunga vamona evi, co vajolela, oloni vaka-vuvi voshe vakavolwesa kuluu.

Njelemiya 2:23

Vatijo wendeka ngwove kuwalijwalesele nameme kulemesa Mbale? Oloni anuka muje muwalingile vuvi mu cana, kenga vije viwunalingi. Yove unalifu ngwe kamelo wa lwavo uje ali na lishungu, ashatukila noku-noku mu mambo omwo ya lishungu lyendi,

Njelemiya 2:26

Shukulu Kalunga alinakwendeka ngwendi, “Ngwe mwizi mwakashauka omo vanamukwata, ngecivene, yeni voshe vanu va Isalele, vimyene veni, na vakulunu veni, na vaka-kukombelela veni, na vaka-kwimanena veni vakamishawisa,

Mateo 20:13

Oloni wakumbulwile umo wavo ngwendi, ‘Tolilila musamba, yange kunjakukwisile. Kuma kutwalizivasanene fweto yakupwa mu mbongo imo ya siliva ndi?

Mateo 26:50

Yesu wamukumbulwile ngwendi, “Ove mukwetu, linga vwasi cije ciwushaka kulinga.” Asinoni vezile, vamukwatele nakumuvumbatela manene.

Mateo 5:20

Omwo njimileka ngwange, nga mushaka kukovela mu Vumwene vwa mwilu, kuvanga mupwe va kulongwa manene kutuvakana valongisi va majwi a Lishiko na vaFaliseo, nga ngoconi, co kumukakovela mu Vumwene vwa mwilu.

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

Tito 3:11

Unazivuka ngeci munu wa cifwa cangacije wamuvi, co vivi vyendi vilinakumusholola ngeci naviisa.

1 Samwele 2:9

“Ikeye anyunga myonyo ya vanu vendi va kulongwa, oloni vaka-vivi vanyonga mu lisusulungu, nzili ya munu kuyasa kumuhyanesa.