Mateo 21:34 - Livulu lya Shukulu Kalunga

³⁴ Omo simbu yakuvuya vushuka yetele, watumine vindungo vendi kuli vaka-kupanga mukutambula litambelo lyendi ku vije vanateje.

Mateo 21:34 Iomraidhean Croise

Isaya 5:4

Kuma cuma mukajo kunjalingile ku citungu cange? Cooni omwo vikajo kunemi vushuka vwakukamata, oloni kesi vushuka vwavuvwa vuje vunjayongwele?”

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Mateo 21:35

Co vaje vaka-kupanga vakwatele vaje vindungo, co vapupileo umo, mukwavo vamutsiile, co mukwavo vamwashele mamanya.

Mateo 21:38

Oloni omo vaka-vipangi vamwene munendi, valyendekesele akati kavo ngwavo, ‘Ou ikeye mwana wa vavenya citungu, ijeni tumutsiye, co tukafungula vufuko vwendi!’

Mateo 21:40

Yesu wavehwile ngwendi, “Omo vavenya citungu akaija, vatijo akalinga na vaje vaka-vipangi?”

Mateo 21:41

Vamukumbulwile ngwavo, “Akatsiya vaje vaka-vuvi, co akana cije citungu ku vaka-vipangi veka, vaje vakamwana-anako vushuka omo vuhya.”

Mateo 22:3

Co watumine vangamba vendi mukuleka vaje vavalanyele ku ciwano, oloni vakevo vavyanene.

Mako 12:1

Asinoni Yesu wendekele navo na visimo ngwendi, “Kwakele munalume umo wakele na citungu ca mikolovozi ya vushuka vwa vinyu, co wasitileko cipatanga, co wendilemo citeke cakukamwina vinyu, co watungile kaposhi. Asinoni wasezele cije citungu ku vaka-kupanga, co waile vungenzi ku lifuti lyeka.

Mako 12:7

Oloni vaje vaka-vipangi valyendekesele akati kavo ngwavo, ‘Ou ikeye muna vavenya citungu. Ijeni tumutsiye, co tukafungulula vufuko vwendi!’

Mako 12:9

Yesu wavehwile ngwendi, “Vatijo akalinga uje vavenya citungu? Akaija nakutsiya vaje vanu, akana cije citungu ku vaka-kupanga vandimi veka.

Luka 20:9

Yesu watelelele vanu cisimo eci ngwendi, “Kwakele munalume umo wakele na citungu ca mikolovozi ya vushuka vwa vinyu, co wasezele cije citungu kuli vaka-kupanga, co waile vungenzi ku lifuti lyakulyala wakeshwaleleko simbu yakama.