Mateo 21:31 - Livulu lya Shukulu Kalunga

³¹ Iyajo akati kaava vanu vavali walingile cizango ca ishavo?” Vamukumbulwile ngwavo, “Uje mwana wa mukulunu.” Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela.

Mateo 21:31 Iomraidhean Croise

Yombi 15:6

Kesi yange njikuhisa embwe, oloni unalihisa na majwi oshe ulinakwendeka.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Mateo 12:50

Woshe uje alinga cizango ca Tate ali mwilu, ikeye vene napu ndolome yange, na ndokazi yange, na vanana.”

Mateo 18:3

co wendekele kuli vakevo ngwendi, “Mwa vushunga njimileka ngwange, kuvanga mutenguluke nakupwa ngwe vanike vavandondo, kumukakovela mu Vumwene vwa mwilu.

Mateo 20:16

Co Yesu wamanesele kwendeka ngwendi, “Ngecivene, vaka-kulivanga vakapwa vaka-kukotokela, co vaka-kukotokela vakapwa vaka-kulivanga.”

Mateo 21:30

Asinoni waile kuli uje munendi wamucivali wendekele nendi cuma cimo. Co wamukumbulwile ngwendi, ‘Eyo tate njiya,’ oloni kaileko.

Mateo 5:18

Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Mateo 5:46

Omwo nga muzema vaje vamizema, cikandelela mukajo mukatambula kuli Njambi? Kuma nameme vaka-kutambula lisimu kesi mukemwo muvakalingi ndi?

Mateo 6:5

“Co omo mulombela, kesi mulombele ngwe vaka-civembulu, omwo vakevo vazema kwimana nakulombela mu masinangonge na masambwa-ngila, ngeci vanu voshe vavamone. Mwa vushunga njimileka ngwange, vanatambula laja cikandelela cavo.

Mateo 7:21

“Kesi munu woshe anjitumbula ngwendi, ‘Mwene, Mwene’ akakovela mu Vumwene vwa mwilu embwe, oloni kuvanga vaje vakalingi cizango ca Tate wa mwilu.

Mateo 9:9

Omo Yesu watundile ku mutambela uje, wamwene munu lizina lyendi Mateo, natumbama ku njuvo yakutambwila lisimu. Co Yesu wendekele kuli ikeye ngwendi, “Njikave.” Co Mateo wakatukile wamukavele.

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 19:22

Co Shukulu yendi wamulekele ngwendi, ‘Ove ngamba wamuvi! Njikakuhisa na majwi akutunda mu kanwa kove! Ngwange wanjizivukile ngwove yange nji munu wa mukalu, njikanono cije kesi cange, nakuteja cije kunjakuvile.

Luka 7:29

Vanu voshe vamuzivile, vakevo amo na vaka-kutambula lisimu vononokele vushunga vwa Njambi, co vavambwitikile kuli Yowano.

Yowano 3:3

Yesu wamukumbulwile ngwendi, “Mwa vushunga njikuleka ngwange, naumo wai asa kumona Vumwene vwa Njambi kuvanga asemuke luvali.”

Yowano 3:5

Yesu wamumbulwile ngwendi, “Mwa vushunga njikuleka ngwange, naumo wai asa kukovela mu Vumwene vwa Njambi kuvanga asemuke ku mema na ku Munzinzime Wakujela.

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

Loma 5:20

Lishiko lyasholokele ngeci vilinga vya kupenga-penga vitume, oloni kuje vuvi vwatumine, kutetela kwa Njambi kwatumine manene.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.