Mateo 21:27 - Livulu lya Shukulu Kalunga

²⁷ Ngecivene, vakumbulwile Yesu ngwavo, “Kutuzivuka.” Co Yesu wendekele kuli vakevo ngwendi, “Nameme yange lalo kunjimileka kunjinawana eyi moko njilinakulinga nayo vyuma evi.”

Mateo 21:27 Iomraidhean Croise

Isaya 28:9

Valinakulinyenga ali yange ngwavo, “Iyajo yakalongesa mana? Iyajo yakalongesa majwi endi? Vilongesa vyendi vinafwila lika vanike, vaje vanashumuka ku mavele!

Isaya 6:10

Asinoni wendekele kuli yange ngwendi, “Tengulula mana ava vanu ngeci apwe akuzeya, vapwe tusinda-matwi, vapwe tupuputwa, ngeci kesi vase kumona nambe kuziva nambe kuzivisisa. Nga vapwa vavavwa, co vakatengulukila kuli yange mukuvakangwisa.”

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Mateo 16:3

Co lalo ku mutondo mukendeka ngweni, ‘Lelo nyonzi ili muyehi nakunyoka, omwo mashelwa anazivuluka.’ Yeni mwasa kuseteka kutonola na ntwima omo mukenga lilu, oloni kumwasa kuzivuka vya visimbu nambe muvinalumbunukila vizivukiso evi.

Mateo 21:26

Oloni nga twendeka ngwetu, ‘Yatundile kuli vanu,’ tuli na lyova lya vanu, omwo voshe vazivuka ngeci Yowano wapwile muka-kwimanena.”

Mateo 21:28

“Cooni yeni mwayongola vatijo? Munalume umo wakele na vana vendi va vanalume vavali. Co waile kuli uje wakulivanga, wamulekele ngwendi, ‘Munange, ya ukapange ku lihya lya mikolovozi ya vushuka vwa vinyu.’

Yowano 9:30

Munalume wavakumbulwile ngwendi, “Eci cinapu cuma cakukomokesa! Kumuzivuka oku kwatunda, oloni nanjitonesa!

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

2 Kolinte 4:3

Oloni nga lijwi eli tulinakwambulula linapu lyakushweka, vanalishweka lika kuli vaje vanazimbala.