Mateo 21:23 - Livulu lya Shukulu Kalunga

²³ Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Mateo 21:23 Iomraidhean Croise

Kutuuka 2:14

Co uje munalume wamukumbulwile ngwendi, “Iyajo nakupwisa muka-kushwana nambe muka-kusompa akati ketu? Kuma yove ushaka kunjitsiya ngwe muje muunatsiile uje kaIngito ndi?” Co Mosesa wakele na lyova, co walyendekesele ikeye vavenya ngwendi, “Kuma vanu vanazivuka eci njinalingi.”

Mateo 20:4

ngecivene, wavalekele ngwendi, ‘Neni lalo yeni mukapange ku lihya lyange, njikamifweta muyinapande fweto yeni.’

Mateo 21:24

Yesu wavakumbulwile ngwendi, “Nange lalo njimihula cihula cimo, co nga munjikumbululaco, asinoni nange lalo njikamileka kunjinawana moko yakulinga vyuma evi.

Mateo 24:1

Yesu watuukile mu Njuvo ya Shukulu Kalunga, washakele kuya, omo vandongisi vendi vezile kuli ikeye vamumwesele vinjuvo vya Njuvo ya Shukulu Kalunga.

Mateo 26:55

Asinoni Yesu wendekele na mbunga ije ngwendi, “Kuma munaija na mikwale na vimbweti mukunjikwata ngwe lipwepwe ndi? Njatumbamene nakulongesa mu Njuvo ya Shukulu Kalunga matangwa oshe, co kumwanjikwatele.

Luka 19:47

Yesu wakele nakulongesa mu Njuvo ya Shukulu Kalunga a litangwa na litangwa. Co vakulunu va vaka-kukombelela na valongisi va majwi a Lishiko na vantwama va vanu vashakele kumutsiya,

Luka 20:1

A litangwa limo omo Yesu wakele nakulongesa mu Njuvo ya Shukulu Kalunga nakwambulula Vin̄anda Vyavivwa kuli vanu, co vakulunu va vaka-kukombelela na valongisi va majwi a Lishiko amo na vakulunu vezile

Vilinga vya Miluwa 4:7

Co vemikile miluwa ku mesho avo vavehwile ngwavo, “Vati munalingi eci? Nzili yeyayo mulinayo? Nambe mu lizina lyeyajo munalingi cuma eci?”

Vilinga vya Miluwa 7:27

Oloni uje munalume wakele nakulwisa mukwavo wanakwile Mosesa, co wendekele kuli ikeye ngwendi, ‘Iya nakupwisa muka-kushwana nambe lyaako akati ketu?