Mateo 21:11 - Livulu lya Shukulu Kalunga

¹¹ Co mbunga ije vendekele ngwavo, “Ou ikeye Yesu muka-kwimanena wa ku Nazaleta mu Ngalileya.”

Mateo 21:11 Iomraidhean Croise

Mateo 2:23

Co wakele mu limbo livatumbwile ngwavo Nazaleta, ngeci vilingiwe vije vyendekele muka-kwimanena ngwendi, “Vakamutumbula muka-Nazaleta.”

Mateo 21:10

Omo Yesu wakovelele mu Yelusalema, co voshe vakele mu nganda valijujukilile ngwavo, “Iyajo ou?”

Mateo 21:26

Oloni nga twendeka ngwetu, ‘Yatundile kuli vanu,’ tuli na lyova lya vanu, omwo voshe vazivuka ngeci Yowano wapwile muka-kwimanena.”

Mateo 21:46

ngecivene, vashakele kumukwata. Oloni vazivile lyova lya mbunga ya vanu vaje vamwene ngeci Yesu napu muka-kwimanena.

Mako 6:15

Oloni vamo vendekele ngwavo, “Ou ikeye Elinja.” Vakwavo vendekele ngwavo, “Ikeye muka-kwimanena, wakulifwa na umo wa vaje vaka-kwimanena va ku san̄ulu.”

Luka 13:33

Nameme ngoco njinapandele kwenda lelo nai mene na indele, omwo kesi mwamuvwa kuli muka-kwimanena kutsila kweka embwe kuvanga mu Yelusalema.

Luka 24:19

Co wavehwile ngwendi, “Vyuma muka?” Vamukumbulwile ngwavo, “Vya ali Yesu wa ku Nazaleta. Munalume ou wapwile muka-kwimanena, co Njambi na vanu voshe vamuyongwele kupwa muka-nzili mu vyuma vyoshe wendekele na vije vyalingile.

Luka 7:16

Voshe vazivile lyova, co vashangazalele Njambi, vendekele ngwavo, “Muka-kwimanena wakama nasholoka akati ketu, Njambi naija nakwovola vanu vendi!”

Luka 7:39

Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

Yowano 1:21

Co vamwihwile ngwavo, “Indi yove iyajo? Yove Elinja ndi?” Oloni Yowano wavakumbulwile ngwendi, “Embwe, kesi yange!” Co vamwihwile lalo ngwavo, “Indi yove Muka-kwimanena ndi?” Oloni Yowano wavakumbulwile ngwendi, “Embwe, kesi yange.”

Yowano 1:25

asinoni vehwile Yowano ngwavo, “Nga kesi yove Wakuvwavesa, nambe Elinja, nambe Muka-kwimanena, omwo vika ulinakumbatizila?”

Yowano 4:19

Munakazi wendekele kuli ikeye ngwendi. “Mwene, njinazivuka ngwange yove u muka-kwimanena.

Yowano 6:14

Omo vanu vakele kuje vamwene cikomokeso eci calingile Yesu, vendekele ngwavo, “Mwa vushunga ou ikeye Muka-kwimanena uje naija ano a kaye!”

Yowano 7:40

Omo vanu vamo mu mbunga vazivile vije vyendekele vendekele ngwavo, “Munalume ou ikeye mwa vushunga vene Muka-kwimanena!”

Yowano 9:17

Ngecivene, vaFaliseo vehwile lalo uje munalume ngwavo, “Umutumbula vatijo omo natonesa mesho ove?” Wakumbulwile ngwendi, “Napu muka-kwimanena.”

Vilinga vya Miluwa 7:37

Ou ikeye Mosesa uje walekele vanu va Isalele ngwendi, ‘Njambi akamitumina muka-kwimanena ngwe mwatumine yange, co akatunda akati keni vavenya.’