Mateo 20:8 - Livulu lya Shukulu Kalunga

⁸ “Co omo vetele ku cingwezi, vavenya lihya walekele muka-kutwamenena vaka-vipangi ngwendi, ‘Sana vaka-vipangi uvane fweto yavo, shangumukila kuli vaka-kukotokela nakutwala kuli vaka-kulivanga.’

Mateo 20:8 Iomraidhean Croise

Kushangumuka 15:2

Oloni Avilama wakumbulwile ngwendi, “Yove Shukulu Kalunga wa Akamwa ya Vyoshe, vuvwa mukajo cikapanga cikandelela cove kuli yange omwo yange kunjesi na vana? Elyazale wa ku Ndamasiku ikeye lika shwana yange.”

Kushangumuka 43:19

Ngecivene, omo vetele ku cikolo ca njuvo, vendekele na uje ngamba wa mukulunu ngwavo,

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

Mateo 20:7

Vamukumbulwile ngwavo, ‘Omwo naumo wai natulanya ku vipangi.’ Ikeye wavalekele ngwendi, ‘Yeni mukapange mu lihya lyange lya mikolovozi ya vushuka vwa vinyu.’

Mateo 20:9

Vanu vaje vashangumukile kupanga a simbu yamulikumi na viitanu na vivali wavafwetele umo na umo mbongo ya siliva.

Mateo 25:19

“Omo kwetile matangwa amangi, co uje shukulu ya vangamba vaje welukile, walavele amo navo vije vimbongo vyendi.

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Luka 10:7

Kaleni mu njuvo ije vene, lyeni nakunwa vyoshe vije vivakamyana, omwo muka-kupanga napande kutambula fweto yendi. Kesi mukendangane kutunda ku njuvo imo kuya ku njuvo ikwavo embwe.

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 8:3

na Yowana munakazi wa Kuza uje wapwile mukulunu wa mu mbanja ya Helonde, amo na Suzana, na vanakazi veka vavangi vaje vapangesele vyavo mukukwasa Yesu na vandongesi vendi.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Kwituluka mu Mashiko 24:15

Mukamufwete fweto yendi ya a litangwa na litangwa omo litangwa kanda litoke, omwo ikeye kautu, co naakao mbunge, kutewa akalinyenyetela kuli Shukulu Kalunga, co mukakala na mulonga wa vuvi.

Tito 1:7

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo,

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Petulu 4:10

Umo na umo, ngwe muka-kupangesa mwamuvwa vwana vwa Njambi vwakuliseza-seza, napande kupangesa vwana vwendi vwanatambula kuli Njambi mukukwasa vakwavo veka.

Lute 2:6

Uje ntwama wamukumbulwile ngwendi, “Ikeye mumbanda uje muka-kwija, wezile na Naumi ku Mowavi.