Mateo 20:6 - Livulu lya Shukulu Kalunga

⁶ Co a simbu yamulikumi na vitanu na vivali waile kuje kwakulandesela, co wawanene veka lalo vanemana ngoco. Wavehwile ngwendi, ‘Omwo vikajo munemanena ngoco kuno litangwa lyoshe lyamutunu?’

Mateo 20:6 Iomraidhean Croise

Visimo 19:15

Vulwa vwasa kulalesa munu tulo twakama, munu wa cifwa eci akayanda na njala.

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Ezekiyele 16:49

Sondoma na vana vendi valyalesele, omwo vakele na vyakulya vyavingi, co vayoyele mu kwoloka namukuhwima, oloni kuvakwasele tuutu na vanu vaka-kujeneka.

Mateo 20:5

Ngecivene, vaile. Asinoni a simbu yamulikumi na ivali na a simbu yamulikumi na vitanu akuteuka kwa litangwa, walingile cuma cimo.

Mateo 20:7

Vamukumbulwile ngwavo, ‘Omwo naumo wai natulanya ku vipangi.’ Ikeye wavalekele ngwendi, ‘Yeni mukapange mu lihya lyange lya mikolovozi ya vushuka vwa vinyu.’

Mateo 20:9

Vanu vaje vashangumukile kupanga a simbu yamulikumi na viitanu na vivali wavafwetele umo na umo mbongo ya siliva.

Yowano 9:4

Tunapande kupanga vipangi vya uje wanjitumine omo kucili mutanya, vutsiki vulinakwija omo naumo wai asa kupanga.

Vilinga vya Miluwa 17:21

(Omwo vaka-Atena voshe na vangenzi vakele muje vazememe kumbila simbu yavo yoshe mukwendeka nakuziva vyuma vyaviha.)

VaHevelu 6:12

Kutushaka mupwe volwa embwe, oloni mupwe ngwe vaje vaka-kukulaela nakusimpa, co mutambule vije vyanamikulaesa Njambi.