Mateo 20:30 - Livulu lya Shukulu Kalunga

³⁰ Co vanalume vavali va tupuputwa vatumbamene kumukulo wa ngila omwo vazivile ngwavo Yesu alinakwita, vatambekele manene ngwavo, “Ove Muna Ndaviti, tuzivileko mema ku mbunge shukulu!”

Mateo 20:30 Iomraidhean Croise

Myaso 146:8

co atonesa mesho a tupuputwa. Ikeye aana nzili kuli voshe vaje vanazeye nakuzema vaka-vushunga.

Isaya 29:18

Omo litangwa lije likaija, tusinda-matwi vakaziva omo vakavalavela majwi a mu livulu, co tupuputwa, vaje vakele mu kazimba-vayeni na mu lisusulungu, vakamona.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 42:18

Shukulu Kalunga alinakwendeka ngwendi, “Tolilileni, yeni vanu vakusinda matwi! Kengeseseni mwamuvwa, yeni tupuputwa!

Isaya 59:10

tulinakwenda nakupapateya ngwe tupuputwa. Tutanozoka mutanya mwelu, ngwe vutsiki, ngwe tuli mu lisusulungu lya vukalo vwa vatsi.

Mateo 13:4

Co omo wakele nakukuva vimbuto mu lihya, vimo vyawililile kumukulo wa ngila, co tuzila vezile nakuvilya.

Mateo 15:22

Munakazi umo wa ku Kanana uje wakele mu lifuti lije wezile kuli ikeye. Watambekele ngwendi, “Ove muna Ndaviti, mwane njizivileko mema ku mbunge! Munange wa munakazi ali na munzinzime wakujwala, co alinakuyanda manene.”

Mateo 20:31

Mbunga ya vanu yavavindikile ngeci voloke kuluu. Oloni vakevo vatambekele manene-nene ngwavo, “Ove Muna Ndaviti, tuzivileko mema ku mbunge shukulu!”

Mateo 21:14

Co tupuputwa na vilema vezile kuli Yesu mu Njuvo ya Shukulu Kalunga, co wavakangwisile.

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”

Mateo 22:42

“Mulinakuyongola vati ali Wakuvwavesa? Ikeye napu mutekulwila weya?” Vakumbulwile ngwavo, “Ikeye napu mutekulwila wa Ndaviti.”

Mako 10:46

Co vezile ku Yeliko, omo Yesu watundile kuje amo na vandongisi vendi na mbunga ya vanu vavangi, kapuputwa umo muka-kulomba vwana lizina lyendi Mbatimeo muna Timeo watumbamene kumukulo wa ngila.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Luka 7:21

A simbu ije vene Yesu wakangwisile vanu vavangi ku kuvinja kwavo, na ku mishongo yavo, na ku minzinzime yakujwala, co watonesele mesho a vanu vavangi.

Vilinga vya Miluwa 2:30

Wapwile muka-kwimanena, co wazivukile vije vyamukulaesele Njambi, Njambi nalisingi ngwendi akapwisa umo wa vatekulwila va Ndaviti mwene, ngwe mwapwile Ndaviti.