Mateo 20:25 - Livulu lya Shukulu Kalunga

²⁵ Ngecivene, Yesu wavasanene voshe vaije kuli ikeye, wavalekele ngwendi, “Mwazivuka ngweni vaka-kushwana vaje kesi vaka-kukulaela vali na nzili ali vanu vavo, co na vantwama vavo vali na moko yakama ali vakevo.

Mateo 20:25 Iomraidhean Croise

Ndanyele 3:15

Ngecivene, ololo, omo mukaziva kwimba kwa malupembo, na vindamba, na visanzi, na misambo, na tulyalya, na vyoshe vyakwimbisa vyeka, co kulameni nakulemesa kamponya. Nga sheni, co vakamyumbila mu litende lya tuhya. Kuma yeni munayongola ngweni kuli njambi weka lalo uje asa kumyamena ndi?”

Ndanyele 5:19

Ikeye wapwile wakama manene ngeci vanu va mafuti oshe na miyati yoshe ya vanu na vaka-kwendeka mu vindaka vyeka vamutewele nakumuzivila lyova. Nga ashaka kutsiya munu, aje vene asa kumutsiya, nga ashaka kwamena munu, co aje vene asa kumwamena. Ikeye wasele kusingimika munu nambe kumupopolola.

Mateo 11:29

Lilemekeni mandauluwa yange, co lilongeseni kuli yange, omwo yange njimukalyovwa-ovwa na kulikeesa mu mbunge, co mukawana kuhwima ku myonyo yeni.

Mateo 20:24

Co omo vaje vandongisi vakwavo likumi vazivile majwi awa, valuvalele na vandolome vavali.

Mako 10:42

Ngecivene, Yesu wavasanene voshe vaije kuli ikeye, co wavalekele ngwendi, “Mwazivuka ngweni vanu vaje valiyongola ngwavo vanapu vaka-kushwana va vanu vaje kesi vaka-kukulaela vali na nzili ali vanu vavo, co na vantwama vavo vali na moko yakama ali vakevo.

1 Petulu 5:3

Kesi mweseke kushwana vaje vavanamyana ngeci muvanyunge, oloni pweni cimweso ku vutanga.