Mateo 20:21 - Livulu lya Shukulu Kalunga

²¹ Co Yesu wamwihwile ngwendi, “Vikajo ushaka?” Wamukumbulwile ngwendi, “Tava ngeci vana vange vavali vakatumbame mu Vumwene vwove, umo ku livoko lyove lya cilyo, mukwavo ku livoko lyove lyacimwoshwe.”

Mateo 20:21 Iomraidhean Croise

1 Vimyene 2:19

Ngecivene, Mbateshemba waile kuli mwene nakwendeka vyakwimanena Andoniya. Co mwene wemanene nakukandelela vaina. Asinoni watumbamene mu litanda lyendi, vanenele litanda likwavo muje vatumbamene vaina ku livoko lyendi lya cilyo.

1 Vimyene 3:5

A vutsiki vuje vene Shukulu Kalunga washolokele kuli Solomoni mu njozi nakumwihula ngwendi, “Vikajo ushaka ngeci njikwanevyo?”

Esita 5:3

Co mwene wehwile ngwendi, “Lishano Esita, vika ushaka? Njileke vikajo ushaka kulomba, co ukavitambula, nameme litambelo lya vumwene vwange.”

Myaso 110:1

Shukulu Kalunga wendekele kuli shukulu yange ngwendi, “Tumbama ku livoko lyange lya cilyo, noo njifungulula vitozi vove.”

Myaso 45:9

Akati ka vanakazi va kasingimiko vali mu lipela lyove vanapu vana va vamwene, co ku litanda lya cilyo kunemana vamwene, nazala vyakuzala vya senga vya ngolinde yaivwa manene.

Njelemiya 45:5

Kuma ulinakushakezeka vyuma vyakama ndi? Kesi ulingemo embwe. Njikanena tuyando twakama ali vanu voshe, oloni nameme ngoco, yove ukakala na mwonyo kwoshe kuje kuukaya, Yange Kalunga, njinendekamo.”

Mateo 18:1

A simbu ije vene vandongisi vezile kuli Yesu, co vamwihwile ngwavo, “Iyajo wakama kutuvakana vakwavo mu Vumwene vwa mwilu?”

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 20:22

Oloni Yesu wavakumbulwile ngwendi, “Kumuzivuka eci cuma cimunalombo. Kuma mwasa kunwa ku nganja ya kayando ije injikanwa ndi?” Vamukumbulwile ngwavo, “Twasa.”

Mateo 20:32

Co Yesu wemanene, co wavasanene. Wavehwile ngwendi, “Vika mushaka njimilingilevyo?”

Mako 10:51

Co Yesu wamwihwile ngwendi, “Vika ushaka njikulingilevyo?” Co uje kapuputwa wamukumbulwile ngwendi, “Mulongisi, njishaka ngeci njimone lalo.”

Mako 16:19

Ngecivene, omo Mwene Yesu wamanesele kwendeka navo, co vamutwalele mwilu, co watumbamene ku livoko lya cilyo lya Njambi.

Mako 6:22

Co muna Helondiya wa munakazi wezile wakinine, wavwaelelesele Helonde na vaje vangenzi vakelemo. Ngecivene, mwene wendekele kuli uje mumbanda ngwendi, “Njilombe cuma coshe ciwushaka, co njikakwanaco.”

Luka 18:41

“Vika ushaka njikulingilevyo?” Co wakumbulwile ngwendi, “Shukulu, njishaka ngeci njimone lalo.”

Luka 19:11

Omo vanu vakele nakutolilila ku vyuma evi, Yesu wavatelele cisimo. Ikeye wakele kuyehi na Yelusalema, co vayongwele ngeci Vumwene vwa Njambi ololo vusholoka.

Luka 22:24

Co kwakele vimata akati ka vandongisi ngwavo iya umo akati kavo napu wakama.

Yowano 15:7

Nga mukala muli yange na majwi ange akala muli yeni, cuma coshe cimulomba mukacitambula.

Vilinga vya Miluwa 1:6

Omo miluwa valiwanene amo na Yesu, vamwihwile ngwavo, “Mwene, kuma ukelwisa Vumwene ku Isalele ku simbu ino vene ndi?”

Loma 12:10

Lizemeni umo na mukwavo ngwe vandolome na vandokazi, co litakameseni nakulisingimika umo na mukwavo.

Loma 8:34

Iyajo asa kuvahisa? Kesi Kilistu Yesu, uje watsile, eyo, uje wasangukile ku vatsi, co ali ku livoko lya cilyo lya Njambi, mukutulambelelako kuli Njambi!

Kolose 3:1

Nga munanguka amo na Kilistu, ngecivene, shakezekeni vyuma vije vili mwilu, kuje Kilistu natumbama a litanda lyendi ku livoko lya cilyo lya Njambi.