Mateo 20:2 - Livulu lya Shukulu Kalunga

² Ikeye walizivasanene navo kuvafweta fweto ya a litangwa mbongo ya siliva, co wavatumine ku lihya lyendi nakupanga.

Mateo 20:2 Iomraidhean Croise

1 Vimyene 18:12

Cikapwa vati nga Munzinzime wa Shukulu Kalunga akutwala ku mutambela weka uje kuuzivuka omo njikuseza ano vene? Co omo njikaleka Ahave ngwange uli kuno, co nga kakuwanako, co akanjitsiya. Anuka ngeci yange njinapu muka-kulemesa Shukulu Kalunga na mbunge yange yoshe tunde ku vwanike vwange.

2 Mizimbu 34:3

Mu mwaka wamucitanu na itatu wakushwana kwa Yosiya, omo wapwile mukwenje, washangumukile kulemesa Njambi ya kukulwila yendi Mwene Ndaviti. Co omo kwetile myaka iwana, washangumukile kusiwula mitambela vakele nakulemesela vaka-kujeneka kukulaela, na vifwa vya Ashela njambi wa munakazi, na tumponya tukwavo twoshe.

Muka-kwambulula 12:1

Anuka Ishamatanga wove simbu ucili mukwenje, omo kanda matangwa a tuyando ete, na myaka ya tuyando yete omo ukendeka ngwove, “Kunjawanenemo kujolela mu mwonyo wange.”

Mateo 18:28

“Oloni ngamba uje vene omo watuukile, waliwanene na mukwavo uje wakele na likongo lyalindondo kuli ikeye. Wamukwatele, co washangumukile kumutikinya a mulivu nakumuleka ngwendi, ‘Fweta likongo lyove!’

Mateo 20:1

“Omwo vumwene vwa mwilu vunalifu ngwe vavenya lihya lya mikolovozi ya vushuka vwa vinyu uje watuukile mutondo-tondo waile nakulanya vaka-vipangi ngeci vakapange mu lihya lya mikolovozi ya vushuka vwa vinyu lyendi.

Mateo 20:13

Oloni wakumbulwile umo wavo ngwendi, ‘Tolilila musamba, yange kunjakukwisile. Kuma kutwalizivasanene fweto yakupwa mu mbongo imo ya siliva ndi?

Mateo 20:3

Co watuukile lalo kuya kuje kwakulandesela a simbu yamucitanu na iwana ku mutondo, co wamwene vakwavo vanemana ngoco kuje,

Mateo 20:9

Vanu vaje vashangumukile kupanga a simbu yamulikumi na viitanu na vivali wavafwetele umo na umo mbongo ya siliva.

Mateo 22:19

Njimweseni mbongo yakufweta lisimu!” Co vamwanene mbongo imo,

Mateo 9:37

Ngecivene, wendekele kuli vandongisi vendi ngwendi, “Mwa vushunga vene vimbuto vinatumu, oloni vaka-kuteja vavandondo.

Mako 12:15

Oloni Yesu wazivukile viyongola vyavo, co wavakumbulwile ngwendi, “Vikajo mulinakunjesekela? Neneni oyo mbongo ya siliva kuli yange, ngeci njiimone.”

Luka 1:15

Akapwa wakama ku mesho a Shukulu Kalunga. Kakanu vinyu nameme vyuma vyakulula vije vipendesa. Tunde akusemuka kwendi akashula na Munzinzime Wakujela,

Luka 10:35

Alikaki wanonele vimbongo vivali vya siliva, wavyanene kuli vavenya njuvo, co wamulekele ngwendi, ‘Munyunge, vyoshe vije umbila ali ikeye, omo njikeluka njikakufweta.’ ”

Luka 20:24

“Njimweseni mbongo ya siliva. Cihanga ceya na lizina lyeya evi viliho?” Co vamukumbulwile ngwavo, “Vya Sezale!”

2 Timateo 3:15

co wazivuka ngwove tunde ku vwanike vwove, unazivuka Visoneka Vyakujela, vije vyasa kukwana mana mukukutwamenena kukwovoka kwakukulaela muli Kilistu Yesu.

Kujombolola 6:6

Co njazivile lijwi litunda mukati ka vaje vikashama vawana vakuyoya ngwalyo, “Lita ya tiliku inapu ngwe fweto ya litangwa lyoshe lyamutunu, co lalo malita atatu a mbale ya maumwa anapu fweto ya litangwa lyoshe lyamutunu. Oloni kesi uviise mazi a olive na mikolovozi ya vushuka vya vinyu!”

1 Samwele 2:18

Mu simbu ije vene Samwele wakele nakupangela Shukulu Kalunga, co wazalele kangamuna ka linyu kakujela.

1 Samwele 2:26

Oloni Samwele wakolele, co wawanene kasingimiko ku mesho a vanu na ku mesho a Shukulu Kalunga.

1 Samwele 3:1

A matangwa aje, omo mwanike Samwele wakele nakupangela Shukulu Kalunga mwisi ya Eli, majwi kuli Shukulu Kalunga apwile lika amandondo, co vimona vyakutunda kuli ikeye kuvyatumine.

1 Samwele 3:21

Co Shukulu Kalunga washolokele ku Shilo, kuje wendekele na Samwele simbu yakulivanga. Omo Samwele wendekele, co Isalele yoshe vamutolililile.