Mateo 20:19 - Livulu lya Shukulu Kalunga

¹⁹ co vakamwana kuli vaje kesi vaYunda vaje vakamushendumuna, nakumupupa, co vakamushukika a cilindakano, oloni omo kuneti matangwa atatu akasanguka.”

Mateo 20:19 Iomraidhean Croise

Yombi 30:8

Vakevo vanapu vilema vangoco va lizina! Co vavashekele mu lifuti.

Myaso 35:16

ngwe vanu vaje vashendumuna cilema, co vanjikengele na vukalu.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Hoziya 6:2

Munima ya matangwa avali nambe atatu, akatwindula, ngeci tukayoye ku mesho endi.

Mateo 12:40

Omwo ngwe Yona wakele matangwa atatu mutanya na vutsiki mwimo lya liisi lyakama, ngecivene, na Muna Munu lalo akakala matangwa atatu mutanya na vutsiki mwisi ya livu.

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Mateo 17:23

co vakamutsiya, oloni omo kuneti matangwa atatu akasanguka.” Co vandongisi vazivile vusiwa vwakama manene.

Mateo 27:26

Asinoni Pilato wecelele Mbalambasa, co wapupile Yesu makote, co wavaneneye ngeci vakamushukike a cilindakano.

Mateo 27:63

vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’

Mako 14:65

Co vamo vavo vashangumukile kujekwila mate Yesu, co vamukutile nanga ku mesho nakumupupa ngwavo, “Tuleke iya nakupupu!” Co vaka-kunyunga vamutambwile nakumupupa vin̄ome.

Mako 15:1

Co alikaki mutondo-tondo vakulunu va vaka-kukombelela na vakulunu, na valongisi va majwi a Lishiko, na vaka-Munga voshe, valiwanene vwasi-vwasi nakutumba matumbe. Co vakutile Yesu mu malyenge, vamutwalele nakumwana kuli Pilato.

Mako 15:15

Ngecivene, Pilato washakele kuvwaelelesa ije mbunga, ngecivene, wecelele Mbalambasa. Asinoni wapupile Yesu makote,co wavaneneye ngeci vakamushukike a cilindakano.

Luka 18:32

Muna Munu vakamwana kuli vaka-kujeneka kukulaela vaje vakamushendumuna nakumushaula nakumujekwila mate.

Luka 23:11

Helonde na mashwalale vendi vamushendumwine nakumulinga mwamuvi, co vamuzikile nanga yailaja yaivwa, co vamwilwisilile lalo kuli Pilato.

Luka 24:46

co wendekele kuli vakevo ngwendi, “Eci cikeco vasonekele ngwavo, Wakuvwavesa napande kuyanda, co akasanguka munima ya matangwa atatu,

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Vilinga vya Miluwa 21:11

Co ikeye wezile kuli yetu, wanonele mwiva wa Paulu, waukutile ku mendi endi na ku mavoko endi wendekele ngwendi, “Eci cikeco canendeka Munzinzime Wakujela ngwendi, ou vavenya mwiva vakamukuta vaYunda mu Yelusalema mu cifwa eci, co vakamwana ku mavoko a vaje kesi vaYunda.”

Vilinga vya Miluwa 4:27

“Omwo mwa vushunga vene Helonde na Pontiyu Pilato valikungulwile amo mu nganda ino amo na ava kesi vaYunda na vanu va Isalele nakulwisa Yesu, Ngamba yove wakujela uje iwavwavesele.