Mateo 20:11 - Livulu lya Shukulu Kalunga

¹¹ Vatambwile vimbongo vyavo, co vashangumukile kulinyenyeta kuli uje wavalanyele.

Mateo 20:11 Iomraidhean Croise

Mateo 20:10

Ngecivene, omo vaje vaalanyele akulivanga vezile, vayongwele ngwavo vakevo vakatambula vyavingi kutuvakana vakwavo, oloni na vakevo lalo umo na umo watambwile mbongo ya siliva.

Mateo 20:12

Vendekele nendi ngwavo, ‘Ava vanu vakutokela vanapanga simbu imolika, omo yetu tunapanga litangwa lyoshe lyamutunu nakwenya litanya, co unavafwete kupwisa amo netu?’

Mako 14:5

Omwo mazi awa vanapandele kuwalandesa vimbongo vya siliva vyakupwa 300 nakuvyana ku tuutu!” Co valinyengele manene ali uje munakazi.

Luka 15:2

vaFaliseo na valongisi va majwi a Lishiko vangungutile ngwavo, “Ou munalume akatambula vaka-vuvi nakulya navo.”

Luka 19:7

Vanu voshe vaje vacimwene vangungutile ngwavo, “Munalume ou nai ngwe mungenzi ku njuvo ya muka-vuvi!”

Luka 5:30

VaFaliseo vamo na valongisi va majwi a Lishiko vaje vakundamene ku munga yavo valinyengelele kuli vandongisi va Yesu. Vehwile ngwavo, “Omwo vikajo mulya nakunwa amo na vaka-kutambula lisimu na vaka-vuvi?”

Yowano 6:41

VaYunda vashangumukile kungunguta, omwo wendekele ngwendi, “Yange likende lije lyatundile mwilu.”

Yowano 6:61

Oloni Yesu wazivukile ngeci vandongisi vendi vakele nakungunguta omwo lijwi eli, ngecivene, wendekele kuli vakevo ngwendi, “Cuma eci cimilingisa ngeci mulikele ndi?

Vilinga vya Miluwa 13:45

Omo vaYunda vamwene vimbunga, co vakele na lifuwa, vavyanene vije vyendekele Paulu nakumushaula.

1 Tesalonika 2:16

Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!

Yunda 1:16

Vanu ava simbu yoshe vaka-kungunguta nakwana mulonga vakwavo, vakakavangeya mashungu avo amavi, vaka-kulishasha nakwendeka majwi a kulyalesa kuli vakwavo ngeci vapange vizango vyavo.