Mateo 2:6 - Livulu lya Shukulu Kalunga

⁶ ‘Nove Mbetelehema mu lifuti lya Yunda, kesi uwamundondo akati ka vinganda vyakama vya mu Yunda, omwo kuli yove kukatunda muka-kushwana, ikeye akatwamenena vanu vange va Isalele.’ ”

Mateo 2:6 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

2 Samwele 5:2

A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga wakukulaesele ngeci ukatwamenena vanu vendi nakupwa mwene yavo.”

1 Mizimbu 2:51

munendi wamucivali Salema ikeye watungile limbo lya Mbetelehema, co munendi wamucitatu Halefe ikeye watungile limbo lya Mbetengandele.

1 Mizimbu 5:2

Wapwile muyati wa Yunda wa nzili kuje kwatundile muka-kushwana miyati yoshe.)

Ezela 2:21

Co vanu vaje vakukulwila vavo vakele mu vinganda vije velukilemo lalo. Vaje vakele mu Mbetelehema vapwile 123.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Kulava 24:19

Kuli Yakomba kukatunda umo ikeye akashwana, akanyongesa vaje vakasala mu nganda.”

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Yowano 21:16

Yesu wendekele simbu yamucivali ngwendi, “Simoni muna Yowano, wanjizema ndi?” Petulu wakumbulwile ngwendi, “Eyo Mwene, uzivuka ngeci njakuzema.” Yesu wendekele kuli ikeye ngwendi, “Nyunga vimanga vange.”

Yowano 7:42

Visoneka vyendeka ngwavyo Wakuvwavesa akapwa mutekulwila wa Ndaviti, co akasemukila mu Mbetelehema, mu nganda mwakele Ndaviti.”

Efeso 1:22

Njambi naaka vyuma vyoshe mwisi ya myanja ya Kilistu nakumwimika kupwa mutwe wa cikungulukilo ngwe Mwene wa vyuma vyoshe.

Kolose 1:18

Ikeye napu mutwe wa muvila wendi, ukewo cikungulukilo, na nsina ya mwonyo wa muvila. Napu Mwana wa ntwatwa, uje wasangukile kutunda ku vatsi, ngeci ikeye lika napande kupwa wakulivanga mu vyuma vyoshe.

VaHevelu 7:14

Omwo tunazivuka mwamuvwa ngwetu mwene yetu wasemukile ku muyati wa Yunda, co Mosesa kendekele a muyati uje omo wendekele vya vaka-kukombelela.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 2:27

co vakavashwana na mulamu wa cikuvo nakuvatovozola vitambi-vitambi ngwe ndeo ya vuma, ngwe yange njatambwilela nzili kuli Tate.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”