Mateo 2:4 - Livulu lya Shukulu Kalunga

⁴ Co wasanene voshe vakulunu va vaka-kukombelela, na valongisi va majwi a Lishiko wavehwile ngwendi, “Kulijo akasemukila Wakuvwavesa?”

Mateo 2:4 Iomraidhean Croise

2 Mizimbu 34:13

VaLevi vakwavo vakele na vipangi vyakututa vivala nakutwamenena vanu mu vipangi vyakuliseza-seza, co vakwavo vapwile vaka-kusoneka, vamo vapwile vaka-kunyunga ku vikolo.

2 Mizimbu 34:15

Co wendekele kuli Shafane ngwendi, “Njinawana livulu lya Mashiko mu Njuvo ya Shukulu Kalunga.” Hilikiya waanene Shafane livulu,

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Ezela 10:5

Ngecivene, Ezela wakatukile, co walingisile vantwama va vaka-kukombelela, na vantwama va vaLevi, na vantwama va vanu vakwavo kulikumiiya ngeci vakalinga vije vyayongwele Shekaniya.

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Nehemiya 12:7

na Salu, na Amoke, na Hilikiya, na Njendaya. Ava vapwile vantwama akati ka vakwavo vaka-kukombelela a matangwa a Yoshwa.

Myaso 2:2

Vimyene va ano asi vanaangunuka, vaka-kushwana vanalikungulwila amo, nakutumba matumbe amavi akulwisa Shukulu Kalunga, na wakuvwavesa wendi, co vendeka ngwavo,

Njelemiya 8:8

Vatijo mwendeka ngweni munapu vaka-mana, co lalo muzivuka mashiko ange? Oloni valongisi vanatengulula mashiko ange kuwapwisa a makuli.

Malakiya 2:7

Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Mateo 13:52

Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”

Mateo 2:3

Omo Mwene Helonde wazivile vyuma evi, co walijujukilile manene, amo na voshe vaje vakele mu Yelusalema.

Mateo 2:5

Vamulekele ngwavo, “Mu Mbetelehema mu Yunda. Omwo vanasoneka ali muka-kwimanena ngwendi,

Mateo 21:15

Oloni vakulunu va vaka-kukombelela na valongisi va majwi a Lishiko valuvalele omo vamwene vikomokeso na vyuma vije vyalingile, co vazivile vanike vavandondo vatambekele mu Njuvo ya Shukulu Kalunga ngwavo, “Wakushangazala Muna Ndaviti!”

Mateo 21:23

Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Mateo 26:3

Asinoni vakulunu va vaka-kukombelela na vakulunu va vaYunda valikungulwile amo mu lipela lya Kayafase Muka-kukombelelela Wakama.

Mateo 26:47

Omo Yesu wacikele nakwendeka navo, Yundasa, umo wa vaje likumi na vavali wetele. Co wezile na mbunga yakama vambatele mikwale na vimbweti, vavatumine kuli vakulunu va vaka-kukombelela na kuli vakulunu va vaYunda.

Mateo 27:1

Alikaki mutondo-tondo vakulunu va vaka-kukombelela voshe na vakulunu vatumbile matumbe avo akulwisa Yesu ngeci vamutsiye.

Mateo 7:29

omwo ikeye kapwile ngwe valongisi vavo va majwi a Lishiko embwe, co wavalongesele na moko.

Mako 8:31

Asinoni Yesu washangumukile kulongesa vandongisi vendi ngwendi, “Muna Munu napande kuyanda manene, co vakulunu vakamuvyana, na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni omo kuneti matangwa atatu akasanguka.”

Luka 20:19

Co valongisi va majwi a Lishiko na vakulunu va vaka-kukombelela vayongwele kukwata Yesu aje vene, omwo vazivukile ngwavo cisimo eci nacitela vakevo, oloni vatewele vanu.

Luka 23:10

Co vakulunu va vaka-kukombelela na valongisi va majwi a Lishiko vashwenyele kulutwe nakumuvangela vyuma vyavingi.

Yowano 18:3

Ngecivene, Yundasa waile ku citungu cije, waile amo na mashwalale va vaLoma na vamo vaka-kunyunga Njuvo ya Shukulu Kalunga vaje vavatumine kuli vakulunu va vaka-kukombelela amo na vaFaliseo, vakele na vitwa vezile na vindeya na mitetango ya tuhya.

Yowano 3:10

Yesu wamukumbulwile ngwendi, “Yove u mulongisi wakama mu Isalele, kuma kuuzivuka eci ndi?

Yowano 7:32

VaFaliseo vazivile mbunga ije vakele nakungunguta ali Yesu a vyuma evi, ngecivene, vakevo na vakulunu va vaka-kukombelela vatumine vamo vaka-kunyunga ngeci vakakwate Yesu.

Yowano 8:3

Valongisi va majwi a Lishiko na vaFaliseo vanenele munakazi uje vakwatele alinakulinga vupangala, co vamwimikile akati kavo voshe.

Vilinga vya Miluwa 23:9

Asinoni vanu vendekele manene, co vamo valongisi va majwi a Lishiko vaje vakele ku munga ya vaFaliseo vemanene nakwendeka na nzili ngwavo, “Kutwawanene cuma cimo cacivi canalingi ou munalume! Amo mwavushunga munzinzime nambe kangelo nendeka kuli ikeye!”

Vilinga vya Miluwa 4:5

Alikaki vantwama va vaYunda, na vakulunu, na valongisi va majwi a Lishiko vakungulukilile mu Yelusalema.

Vilinga vya Miluwa 6:12

Co mu ngila eyi vene vashongangeyeye vanu na vakulunu na valongisi va majwi a Lishiko. Vakwatele Setefano nakumutwala ku Munga.