Mateo 2:23 - Livulu lya Shukulu Kalunga

²³ Co wakele mu limbo livatumbwile ngwavo Nazaleta, ngeci vilingiwe vije vyendekele muka-kwimanena ngwendi, “Vakamutumbula muka-Nazaleta.”

Mateo 2:23 Iomraidhean Croise

Kulava 6:13

“Eli likelyo lishiko lya kaNazalite omo matangwa a cisingo cendi anapumo. Vakamutwale ku cikolo ca Mbalaka Mwakuliwanena na Shukulu Kalunga,

Mateo 1:22

Vyuma vyoshe evi vyasholokele ngeci vipwe ngwe vije vyendekele Mwene ali muka-kwimanena ngwendi,

Mateo 21:11

Co mbunga ije vendekele ngwavo, “Ou ikeye Yesu muka-kwimanena wa ku Nazaleta mu Ngalileya.”

Mateo 26:71

Co Petulu waile ku cikolo ca mbanja. Co ngamba mukwavo wamumbanda wamumwene wendekele na vanalume vaje vakele kuje ngwendi, “Ikeye wakele amo na Yesu wa ku Nazaleta.”

Mako 1:24

“Ushaka kulinga vika netu, yove Yesu wa ku Nazaleta? Kuma unaija kuno nakutunyongesa ndi? Njakuzivuka, yove wapwa u muluwa wakujela wa Njambi!”

Mako 1:9

A matangwa aje vene Yesu watundile ku Nazaleta mu lifuti lya Ngalileya, co Yowano wamumbwitikile mu Ndonga ya Yondau.

Luka 1:26

Omo Elizaveta wakele na vingonde vitanu na imo, Njambi watumine kangelo Ngambiliyele aye ku Ngalileya ku nganda ije vatumbwile Nazaleta.

Luka 18:37

Vamulekele ngwavo, “Yesu wa ku Nazaleta alinakwita.”

Luka 2:39

Omo Yosefa na Maliya vamanesele vyuma vyoshe ngwe ku lishiko lya Shukulu Kalunga, velukile kwimbo lyavo ku Nazaleta mu Ngalileya.

Yowano 18:5

Vakumbulwile ngwavo, “Yesu wa ku Nazaleta.” Yesu wendekele ngwendi, “Yange vene.” Yundasa, uje wamwendele vungungu wemanene amo navo.

Yowano 18:7

Yesu wavehwile lalo ngwendi, “Iyajo mulinakushakezeka?” Co vendekele ngwavo, “Yesu wa ku Nazaleta.”

Yowano 19:19

Pilato wasonekele majwi a livaya walyakele a cilindakano. Wasonekeleo ngwendi, “Ou ikeye Yesu wa ku Nazaleta, Mwene wa vaYunda.”

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.

Vilinga vya Miluwa 24:5

Omwo twawana ou munalume kupwa muka-muuka, washangumukile kulinga mpindangano akati ka vaYunda mu kaye koshe, co ikeye lalo ntwama ya munga ya vaNazalite.

Maako 13:5

Co munima yakusemuka kwa munove wa munalume, kesi ukamuteule vin̄ambu vyendi, omwo kutunda a litangwa lyakusemuka kwendi, akapwa wakukundika kuli Njambi kupwa kaNazalite. Akashangumuka vipangi vyakwovola Isalele kuli vaFilisitiya.”

1 Samwele 1:11

Co Hana walisingile cisingo ngwendi, “Yove Shukulu Kalunga Muka-nzili yoshe, kenga a tuyando twa ngamba yove! Njanuke kesi wivale ngamba yove! Nga unjana mwana wa munalume, co njikulaesa ngeci njikamukundika kuli yove mukuyoya kwendi kwoshe ngeci ikeye kakateula vin̄ambu vyendi.”