Mateo 2:2 - Livulu lya Shukulu Kalunga

² vehwile ngwavo, “Ulijo mwanike ou nasemuka uje akapwa mwene wa vaYunda? Omwo twamwene ngongonosi yendi ilinakutuuka mu ngangela, ngecivene, tunaija mukumulemesa.”

Mateo 2:2 Iomraidhean Croise

Myaso 2:6

“Njinaka mwene yange a Siyone, lilundu lyange lyakujela.”

Myaso 45:11

Vuvwa vwove vukavwaelelesa mwene ngeci akuzeme, ikeye napu shukulu yove, ngecivene, unapande kumwononoka.

Isaya 60:3

Miyati ya vanu vakavashwenyesa ku ceke cove, co vimyene vakavashwenyesa ku litangwa lyove lyaliha.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 30:9

Oloni vakapangela yange Kalunga Njambi yavo, nakupangela lalo mutekulwila wa Ndaviti, uje njikemika kupwa mwene.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Kulava 24:17

Co njikenga ku vije vikaija kulutwe, njamumono mwene uje akaija, oloni kesi kuyehi. Ikeye nalifu na ngongonosi yakuvyazima, akatuuka kuli Yakomba, mulamu wa vumwene ukatunda mu Isalele. Ikeye akamanesa nzili ya vantwama va vaMowavi, nakufungulula vanu voshe va ku Seta.

Mateo 2:3

Omo Mwene Helonde wazivile vyuma evi, co walijujukilile manene, amo na voshe vaje vakele mu Yelusalema.

Mateo 21:5

“Lekeni nganda ya Siyone ngweni, Kenga, mwene yove alinakwija kuli yove! Wa kulikeesa, co nalondo a cimulu, naa muna cimulu wamundondo.”

Mateo 27:11

Yesu wemanene ku mesho a Pilato nguvulu wa vaLoma, co wamwihwile ngwendi, “Yove mwene wa vaYunda ndi?” Yesu wamukumbulwile ngwendi, “Muunendeka mukemwo vene.”

Luka 19:38

ngwavo, “Njambi avezikise mwene ou aija mu lizina lya Shukulu Kalunga! Kwoloka kukale mwilu na vumpau kuli Njambi!”

Luka 2:11

Vutsiki vuno vene mu nganda ya Ndaviti munasemuka Muyoyesi weni, ikeye Kilistu Mwene!

Luka 23:3

Pilato wamwihwile ngwendi, “Yove mwene ya vaYunda ndi?” Yesu wamukumbulwile ngwendi, “Omo muunendeka mukemwo vene.”

Luka 23:38

Vasonekele majwi awa akamwa ya cilindakano cendi ngwavo, “Ou ikeye Mwene ya vaYunda.”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 12:13

Ngecivene, vatetele minango ya mashakavale vaile nakuliwana nendi, vatambekele ngwavo, “Shangazaleni Njambi! Njambi amuvezikise ou aija mu lizina lya Mwene! Njambi avezikise Mwene ya Isalele!”

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 19:19

Pilato wasonekele majwi a livaya walyakele a cilindakano. Wasonekeleo ngwendi, “Ou ikeye Yesu wa ku Nazaleta, Mwene wa vaYunda.”

Yowano 20:28

Tomasi wamukumbulwile ngwendi, “Mwene yange na Njambi yange!”

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Yowano 9:38

Uje munalume wendekele ngwendi, “Mukemwo vene Mwene, njinakulaela!” Co watsikamene a mavuli ku mesho a Yesu.

VaHevelu 1:6

Oloni omo Njambi wakele kuyehi nakutuma Munendi wa ntwatwa mu kaye, co wendekele ngwendi, “Tungelo voshe va Njambi vanapande kumulemesa.”

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”