Mateo 2:18 - Livulu lya Shukulu Kalunga

¹⁸ “Vazivile lijwi ku Lama, lijwi lyakulila nakusikoka manene. Lakele alilila vana vendi, katava kumuzembeleka, omwo voshe vanatsi.”

Mateo 2:18 Iomraidhean Croise

Kushangumuka 37:30

Ngecivene, waile kuli vandolome vendi nakwendeka ngwendi, “Ndolome yetu waimo muje! Vati njilinga?”

Kushangumuka 42:36

Ngecivene, ishavo Yakomba wendekele kuli vakevo ngwendi, “Yeni mushaka kunjinyeka vana vange voshe ndi? Yosefa wai, Simyoni wai, co yeni mushaka muye lalo na Mbenjemani! Mwa vushunga vene njili mu vukalu!”

Yombi 14:10

Nga munu atsa, co kuli ikeye vinahuko, omo atula mwonyo, co ali kulijo?

Njelemiya 31:15

Shukulu Kalunga alinakwendeka ngwendi, “Vanazivi lijwi mu Lama, lijwi lyakusikoka nakulila manene, Lakele alilila vana vendi, avyana kumuzembeleka, omwo vakevo vaiko.

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Ezekiyele 2:10

Co livoko lije njamwene lyazengunwine lije livulu lyakuzenga, co njamwene visoneka ku mitambela yoshe ya livulu mukati na anja, vasonekeleo majwi akulila nakulinyenga, nakukemanga na vusiwa.

Mateo 2:17

Mu ngila eyi ngeci vyalingiwile vije vyendekele Njelemiya muka-kwimanena ngwendi,

Luka 8:52

Vanu voshe kuje valilile nakulinyenga ali uje mwanike. Co Yesu wendekele kuli vakevo ngwendi, “Kesi mulile, ou mwanike katsile embwe, oloni nalala lika tulo!”

Kujombolola 8:13

Asinoni njakengele, co njazivile ngonga uje wakele nakupulula kwilu a mukambwila wendekele na lijwi lyakama ngwendi, “Kekange kayando! Kayando! Kayando kakama kuli vaje vakala ano asi, omwo vililimo vije vinasalako vya malupembo a vaje tungelo vatatu vikaluma!”