Mateo 2:16 - Livulu lya Shukulu Kalunga

¹⁶ Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Mateo 2:16 Iomraidhean Croise

Kushangumuka 39:14

co munakazi wa Potifalo wasanene vangamba vendi nakwendeka ngwendi, “Kengeni a cuma eci! Munalume wange wanenele ou kaHevelu muno mu njuvo mukutushaula. Ikeye nezile muno mu mulili wange nakwendeka nange ngwendi njisimutwiye nendi, oloni njatambekele na lijwi lyakama ngwe munjinasela.

Kushangumuka 39:17

Asinoni wamulekele vin̄anda evi ngwendi, “Uje ndungo wa kaHevelu iwanenele muno nezile ku mulili wange nakunjishaula.

Kushangumuka 49:7

Cisingo cikale a vukalu vwavo, omwo vunapu vwakukomokesa manene, cisingo cikale a vukalu vwavo, omwo vunapu vwa muuka. Njikavaangunwina mu lifuti lyoshe lya Yakomba, nakuvashandwela akati ka vanu vaIsalele.

2 Vimyene 8:12

Co Hazayele wamwihwile ngwendi, “Omwo vikajo ulinakulila shukulu?” Elisha wamukumbulwile ngwendi, “Omwo njazivuka vuvi vuukalinga kuli vanu va Isalele. Ukenyeka vimpaka vyavo, nakutsiya vakwenje na moko ya mukwale, nakumwakwila kuti vana vavo, nakutavula mu memo a vanakazi vavo.”

Yombi 12:4

Nameme vasamba vange valinakunjijola ololo, valinakujola, nameme nji muka-vushunga na muka-kujeneka mulonga, oloni kwakele simbu imo omo Njambi wakumbulwile malombelo ange.

Visimo 28:15

Mwene uje ayandesa vaka-kuutwa napu ngwe ndumba alinakwaana, nambe ngwe mbeya wa vukalu.

Visimo 28:17

Kesi ukwase munu uje muka-kutsiya, mwecele aye nakwendangana matangwa oshe akuyoya kwendi.

Isaya 26:21

Shukulu Kalunga alinakwija kutunda mwilu muje mwakala mukuhisa vanu va ano asi omwo a vuvi vwavo. Kulitsiya kuje kwalingiwile mu vushweke ano asi kukajomboloka, co livu kulikashweke vanu vaje vavatsiile.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Ndanyele 3:13

A simbu ije vene mwene waluvalele manene, washikile ngeci vaje vanalume vatatu vavanene kuli ikeye, co vavanenele.

Hoziya 10:14

nzita ikaija ali vanu veni, co vimpaka vyeni vyoshe vakavinyongesa. Cikafwa ngwe a litangwa lije omo Mwene Shalamane wanyongesele nganda ya Mbetelavele mu nzita, co vainavo na vana vavo vavatsiilile mu nzita.

Kulava 22:29

Co Mbalame wamukumbulwile ngwendi, “Omwo wanjimono vulema! Nga njinakele na mukwale mu livoko lyange, ngwe njinakutsii ololo vene.”

Kulava 24:10

Ngecivene, Mbalake waluvalelele Mbalame, wavungile n̄ome nakulipupa mu mavoko lyendi, co wendekele kuli Mbalame ngwendi, “Njakusanene ngwange unjisingile vitozi vange, oloni kenga yove unavavezikisa visimbu vitatu.

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Mateo 2:17

Mu ngila eyi ngeci vyalingiwile vije vyendekele Njelemiya muka-kwimanena ngwendi,

Mateo 2:7

Ngecivene, Helonde wasanene vaka-mana mu vushweke, co wavakon̄ole simbu ikajo ije ngongonosi yasholokele.

Kujombolola 12:4

Wakokele mutambela wamucitatu wa vingongonosi na mukila wendi kuvitundisa ku mashelwa nakuvyumbila ano asi. Canza-ngombe wemanene kulutwe lwa uje munakazi washakele kukita, ngeci alye uje mwanike omo asemuka.

Kujombolola 17:6

Co njamwene ngeci uje munakazi wapendele na maninga a vanu va Njambi na maninga a vaje vavatsiile omwo vapwile va kulongwa kuli Yesu. Omo njamumwene njalikomokelele manene.

Maako 16:10

Co Ndelila walekele Samusoni ngwendi, “Kenga, unanjishendumuna nakunjileka makuli, co kuwanjilekele vushunga embwe. Mbai, njilekeko vatijo munu asa kukukuta.”