Mateo 2:13 - Livulu lya Shukulu Kalunga

¹³ Omo vanai laja, kangelo ka Mwene washolokele kuli Yosefa mu njozi ngwendi, “Helonde ashakezeka mwanike ngeci amutsiye. Ngecivene, induka, ambata mwanike amo na vaina mutewele ku Ingito, mukakaleko noo njikakuleka ngeci mwiluke.”

Mateo 2:13 Iomraidhean Croise

1 Vimyene 11:17

oloni Handande watewelele ku Ingito, na vamo vaEndome vangamba va ishe. (A simbu ije Handande wapwile mwanike.)

1 Vimyene 3:5

A vutsiki vuje vene Shukulu Kalunga washolokele kuli Solomoni mu njozi nakumwihula ngwendi, “Vikajo ushaka ngeci njikwanevyo?”

Yombi 33:15

Ku vutsiki omo vanu vanalala, co Njambi endeka kuli vakevo mu vinjozi na mu vimona.

Yombi 33:17

Njambi akendeka kuli vakevo ngeci valikele kulinga vuvi, nakuvavindika kulyalesa.

Kutuuka 1:22

Asinoni akukotoka mwene washikile vanu vendi voshe ngwendi, “Vana va vaHevelu va vanalume voshe vombileni mu Ndonga ya Nailo, oloni eceleni lika vimbututu va vanakazi vayoye.”

Mateo 1:20

Oloni simbu wacikele nakuyongola ngeci, kangelo ka Mwene washolokele kuli ikeye mu njozi ngwendi, “Ove Yosefa, wa ku naanga ya Ndaviti, kesi uzive lyova lyakwambata munakazi wove Maliya, omwo kafumba aka kalinako kanatundu ku Munzinzime Wakujela.

Mateo 10:23

Omo vakamiyandesa mu limbo limo, teweleni ku limbo likwavo. Omwo mwa vushunga njimileka ngwange, kumukamanesa vipangi vyeni vyoshe mu membo a Isalele simbu kanda Muna Munu aije.

Mateo 2:12

Asinoni velukile ku lifuti lyavo mu ngila yeka, omwo Njambi wavanangwile mu njozi ngeci kesi veluke lalo kuli Helonde.

Mateo 2:14

Ku vutsiki vuje Yosefa wendukile, wambatele mwanike amo na vaina, co vaile ku Ingito,

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Mateo 2:22

Omo Yosefa wazivile ngeci Alekelau nashwana a litanda lya ishe Helonde kupwa mwene mu Yundeya, co wazivile lyova lyakuya kuje. Ngecivene, Njambi wamunangwile mu njozi, co watundile kuje waile ku lifuti lya Ngalileya.

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Vilinga vya Miluwa 10:7

Asinoni uje kangelo waile, co Konelyasi wasanene vangamba vavali va mu njuvo yendi na lishwalale. Lishwalale uje wapwile umo wa vaka-kumupangela. Wapwile wa kulongwa.

Vilinga vya Miluwa 12:11

Asinoni Petulu wanangukile cuma cije calingiwile kuli ikeye, co wendekele ngwendi, “Ololo njinazivuka ngwange cinapu ca vushunga! Kuma Mwene natumu kangelo kendi kuli yange nakunjitundisa ku nzili ya Helonde na ku vyoshe vije vaYunda vashakele ngeci vilingiwe.”

Vilinga vya Miluwa 12:7

Co vwasi-vwasi kangelo ka Mwene wemanene kuje, co muje mu mulili mwatwililile ceke. Uje kangelo waningangele Petulu a citsili wendekele ngwendi, “Induka vwasi!” Co aje vene malyenge akele ku mavoko endi awile.

Vilinga vya Miluwa 16:36

Ngecivene, uje muka-kunyunga kamenga walekele Paulu ngwendi, “Vamyata vanatumu lijwi kuli yove na kuli Silasi ngwavo tumyecele. Mwasa kuya, co yeni mu kwoloka.”

Vilinga vya Miluwa 5:19

Oloni ku vutsiki vuje vene kangelo ka Shukulu Kalunga washokolwele vikolo vya kamenga, co watuwile miluwa anja, wendekele kuli vakevo ngwendi,

Vilinga vya Miluwa 7:19

Ikeye wanyanyamenene vakukulwila vetu nakuvapangesa na muuka, kuvasindiya ngeci vombile kuti vana vavo ngeci vatse.

Yoshwa 3:13

Omo vaka-kukombelela vaje vanambata Cikasa ca Cikumiiyo ca Shukulu Kalunga wa ano asi oshe, vakalyata mendi avo mu mema, co mema a mu Yondau akemana, mema aje atunda ku cava akemana mutumbo ku mutambela umo.”

Yoshwa 3:17

Omo vanu vendele a livu lyakuma, co vaka-kukombelela, vaje vambatele Cikasa ca Cikumiiyo, vemanene lwii a livu lyakuma akati ka Ndonga ya Yondau noo vanu voshe vanajavuka.

Yoshwa 4:10

Asinoni vaka-kukombelela vaje vambatele Cikasa vemanene akati ka Yondau noo vyuma vyoshe vyalingiwile, vije vyashikile Shukulu Kalunga kuli Yoshwa kuvileka vanu va Isalele ngeci vavilinge, evi vikevyo vije vyashikile Mosesa kuli Yoshwa. Co vanu vazambwile, vajavukile ndonga.

Yoshwa 4:18

Omo vaka-kukombelela vaje vambatele Cikasa ca Cikumiiyo vanajavuka laja, ndonga yashangumukile kwita mema, yajalelele ku ngenge kwoshe ngwe muje mwalaja.

Kujombolola 12:14

Co uje munakazi vamwanene mambava avali a ngonga wakama ngeci apulwile ku mutambela wendi mu mambo, kuje vakamulelela a myaka itatu na vingonde vitanu na imo mukumwamena ku vushonde vwa uje canza-ngombe.

Kujombolola 12:4

Wakokele mutambela wamucitatu wa vingongonosi na mukila wendi kuvitundisa ku mashelwa nakuvyumbila ano asi. Canza-ngombe wemanene kulutwe lwa uje munakazi washakele kukita, ngeci alye uje mwanike omo asemuka.

Kujombolola 12:6

Co uje munakazi watewelele mu mambo, kuje Njambi wamuvwaeselele mwela, kuje vakamulelelele a matangwa akupwa 1,260.