Mateo 19:28 - Livulu lya Shukulu Kalunga

²⁸ Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 19:28 Iomraidhean Croise

1 Vimyene 18:31

Ikeye wanonele mamanya likumi na avali, limo na limo kwimanena miyati ije likumi na ivali ije ivalukile mazina a vana va Yakomba, uje Shukulu Kalunga yalukile lizina lya Isalele.

2 Mizimbu 9:19

Ku shongo ya vindendelo kwakele vimweso likumi na vivali vya vindumba umo na umo ku shongo ya ndendelo imo. Co kukwakele litanda lyakulifwa na lije mu vumwene vweka lalo.

Ezela 6:17

Akukundika Njuvo ya Shukulu Kalunga vakombelelele vingombe vakupwa 100, na vimanga vakupwa 200, na vana va vimanga vakupwa 400, na vimembe likumi na vavali kupwa vin̄ombelo vya a vuvi, membe umo na umo kwimanena muyati umo na umo wa Isalele.

Kutuuka 15:27

Asinoni vetele ku Elime, kuje kwakele masima a tuvwelu-vwelu likumi na avali na mashakavale makumi atanu na avali, co vatungile cilombo cavo kuyehi na mema.

Kutuuka 24:4

Co Mosesa wasonekele majwi oshe a Shukulu Kalunga. Co alikaki mutondo watungile mutula kwisi ya munkinda, co wemikileo mamanya a vimanda likumi na avali, ku miyati ya Isalele likumi na ivali lalo.

Kutuuka 28:21

Co ku tumamanya otu likumi na tuvali kamo na kamo talekao lizina lya umo na umo wa vana va Yakomba, mukwimanena miyati ya vaIsalele.

Isaya 65:17

Shukulu Kalunga alinakwendeka ngwendi, “Njitanga kaye kakaha na melu amaha. Vyuma vyalaja vikahwa, co vakavivala.

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

VaLevi 24:5

“Ukambata vunga vwakuseneta makilo likumi na avali, co ukoca mikasha ya makende likumi na ivali.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 19:27

Petulu wendekele ngwendi, “Kenga, yetu tunaseza vyuma vyoshe, tunakukava, cooni cikandelela cikajo tukatambula?”

Mateo 20:21

Co Yesu wamwihwile ngwendi, “Vikajo ushaka?” Wamukumbulwile ngwendi, “Tava ngeci vana vange vavali vakatumbame mu Vumwene vwove, umo ku livoko lyove lya cilyo, mukwavo ku livoko lyove lyacimwoshwe.”

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Mako 10:37

Co vamukumbulwile ngwavo, “Omo ukatumbama a litanda lyove mu Vumwene vwove vwa vumpau, tushaka ututave tukatumbame amo nove, umo ku cilyo mukwavo ku cimoshwe.”

Vilinga vya Miluwa 3:21

Napande kukala mwilu noo simbu ikaija omo vyuma vyoshe vikapwa vyaviha, ngwe mwendekele Njambi ali vaka-kwimanena vendi vakujela vakeleko laja.

2 Timateo 2:12

Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

Yoshwa 3:12

Ololo anguleni vanalume likumi na vavali, ku muyati umo na umo wa Isalele.

2 Petulu 3:13

Oloni yetu tuvandamena vije vyanakulaesa Njambi, vikevyo, lilu lyaliha na kaye kakaha, muje mukakala vushunga.

Kujombolola 11:16

Asinoni vaje vakulunu makumi avali na vawana vaje vanatumbama a matanda avo ku mesho a Njambi valyumbilile asi na vihanga vyavo vyakwatele mu livu, co valemesele Njambi,

Kujombolola 12:1

Asinoni cizivukiso cakama casholokele mwilu. Kwakele munakazi, cikoveyo cendi capwile litangwa, co ngonde yakele mwisi ya myanja yendi na cilongo ca vingongonosi likumi na vivali cakele a mutwe wendi.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 21:5

Co uje watumbamene a litanda wendekele ngwendi, “Ololo njikalinga vyuma vyoshe vipwe yaviha!” Ikeye wendekele lalo kuli yange ngwendi, “Soneka evi, omwo majwi awa anapu a vushunga, vasa kuwakulaela.”

Kujombolola 22:2

co yetile mukati ka tapalo ya mu nganda. Ku ngenge na ngenge ya ndonga kwakele muti wa mwonyo, uje wakele nakwima vushuka visimbu likumi na vivali a mwaka, lumo a ngonde na ngonde, co maputa awo apwile vumbanda vwakukangwisa miyati ya vanu.

Kujombolola 22:5

Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.

Kujombolola 7:4

Co vanjilekele ngeci vungi vwa vaje vavaakele cizivukiso ca kasateso ka Njambi a maholo avo vapwile 144,000. Vatundile ku miyati likumi na ivali ya vanu va Isalele.