Mateo 19:21 - Livulu lya Shukulu Kalunga

²¹ Yesu wamulekele ngwendi, “Nga ushaka kupwa wakulamba, ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Mateo 19:21 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 6:9

Eci cikeco cisemwa ca Nowa. Nowa wapwile munu wa vushunga, kawanene akumuvayesela akati ka vanu vaje vayoyele navo a simbu ije, co lalo mukuyoya kwendi wendele na kulitombola na Njambi.

Yombi 1:1

Kwakele munalume umo lizina lyendi Yombi, uje wakele mu lifuti lya Uze. Wapwile muka-vushunga na kulongwa, nakukomoka Njambi, nakulitenga ku vuvi.

Myaso 37:37

Kenga ali muka- mulonga, na ali muka-vushunga, munu wa kwoloka wakala na vatekulwila vavangi,

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mateo 19:20

Uje mukwenje wendekele ngwendi, “Mashiko oshe awa njawononoka laja, cuma mukajo lalo cinasalako?”

Mateo 19:22

Omo uje mukwenje wazivile lijwi eli, waile na vusiwa, omwo ikeye wakele na vufuko vwavungi.

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 4:19

Yesu wendekele kuli vakevo ngwendi, “Njikaveni, co njikamipwisa vaka-kujevela vanu.”

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Mateo 8:22

Oloni Yesu wamukumbulwile ngwendi, “Njikave, co seza vatsi valitsinde vakevo vavenya.”

Mateo 9:9

Omo Yesu watundile ku mutambela uje, wamwene munu lizina lyendi Mateo, natumbama ku njuvo yakutambwila lisimu. Co Yesu wendekele kuli ikeye ngwendi, “Njikave.” Co Mateo wakatukile wamukavele.

Mako 10:21

Co Yesu wamukengele na cizemo, co wendekele kuli ikye ngwendi, “Cuma cimolika cinasalako. Ya ukalandese vyoshe ulinavyo co ukaane vimbongo ku tuutu, co ukakala na vufuko mwilu, asinoni wije unjikave.”

Mako 2:14

Co omo watundile ku mutambela uje, co wamwene muka-kutambula lisimu, Levi muna Alufeya, natumbama mu njuvo yendi muje mwakutambwila lisimu. Co Yesu wendekele kuli ikeye ngwendi, “Njikave.” Co Levi wakatukile wamukavele.

Mako 8:34

Asinoni Yesu wasanene ije mbunga na vandongisi vendi vaije kuli ikeye, co wendekele ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Luka 14:33

Yesu wamanesele kwendeka ngwendi, “Na kuli yeni voshe, ou kaseza vyuma vyoshe alinavyo kasa kupwa ndongisi yange.”

Luka 16:9

Yesu watwaleleo kwendeka ngwendi, “Njimileka ngwange, kwateni vusamba na vufuko vwa ano a kaye, ngeci omo vukahwa, co vakamitambula mwamuvwa mu limbo lije lya myaka yoshe.

Luka 18:22

Omo Yesu wazivile evi, wendekele kuli ikeye ngwendi, “Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Luka 5:27

Munima yevi, Yesu watuukile, co wamwene muka-kutambula lisimu, lizina lyendi Levi, natumbama mu njuvo yendi yakutambwila lisimu. Co Yesu wendekele kuli ikeye ngwendi, “Njikave.”

Luka 6:40

Kukwesi ndongisi atuvakana mulongisi wendi oloni ndongisi woshe, omo namanesa kulilongesa kwendi, na ikeye lalo akapwa amo na mulongisi wendi.

Luka 9:23

Co wendekele kuli vakevo lalo ngwendi, “Nga munu ashaka kunjikava, napande kulivyana ikeye vavenya, ambate cilindakano cendi a litangwa na litangwa, co anjikavangeye.

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Vilinga vya Miluwa 2:45

Co valandesele vyuma vyavo na vufuko vwavo, co valipangelele vimbongo akati kavo, ku munu na munu ngwe kukujeneka kwendi.

VaHevelu 10:34

Yeni mwalipangelele n̄avava ya vunzinda, co omo vevile vyeni vyoshe, co yeni mwakakateyeye nakujolela ku vyeni vije vyazimbalele, omwo mwazivukile ngeci muli na vyuma vyavivwa kutuvakana vije, vyuma vije vikakalako simbu yoshe.