Mateo 19:17 - Livulu lya Shukulu Kalunga

¹⁷ Co Yesu wamukumbulwile ngwendi, “Vikajo unjihwila a vyuma vyavivwa? Kwali Umolika ikeye wamuvwa. Nga ushaka kukovela mu mwonyo wa myaka yoshe, co nyunga mashiko.”

Mateo 19:17 Iomraidhean Croise

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Myaso 119:68

Yove uwamuvwa, co lalo ukalingi vyavivwa, njilongese mashiko ove!

Myaso 52:1

Omwo vikajo ulyalesela a vuvi yove cingenyenye? Cizemo ca Njambi cakala simbu yoshe.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

VaLevi 18:5

Kavangeyeni vingila na mashiko awa njilinakumyana, nga mulinga ngacije, co mukayoya. Yange njapwa Kalunga.

Loma 10:5

Mosesa wasonekele evi akupwisa munu muka-vushunga ku mesho a Njambi akwononoka Lishiko ngwendi, “Woshe uje ononoka Lishiko akayoya.”

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

1 Yowano 4:16

Co yetu vavenya tunazivuka nakukulaela cizemo cije Njambi alinaco ali yetu. Njambi wapwa cizemo, co voshe vaje vayoya mu cizemo vayoya muli Njambi na Njambi ayoya muli vakevo.

1 Samwele 2:2

“Kukwesi umo wakujela wakulifwa ngwe Shukulu Kalunga, wai wakulifwa Nendi, kukwesi muka-kunyunga wakulifwa ngwe Njambi yetu.