Mateo 19:16 - Livulu lya Shukulu Kalunga

¹⁶ Munu umo wezile kuli Yesu, wamwihwile ngwendi, “Mulongisi, cuma mukajo cacivwa cinjinapande kulinga ngeci njitambule mwonyo wa myaka yoshe?”

Mateo 19:16 Iomraidhean Croise

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Mateo 19:15

Co wavakambekele mavoko endi, co watundile kuje.

Mateo 19:26

Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Yowano 12:25

Woshe uje azema mwonyo wendi auzimbalesa, co woshe uje azinda mwonyo wendi mu kaye kano nautulikila ku mwonyo wa myaka yoshe.

Yowano 3:15

ngeci woshe akulaela kuli ikeye akale na mwonyo wa myaka yoshe.

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 5:39

Mulinakulilongesa Visoneka, omwo muyongola ngweni mu vikevyo muwanamo mwonyo wa myaka yoshe. Co visoneka evi vyambulula vukaleo vwange!

Yowano 6:47

Mwa vushunga njimileka ngwange, uje akulaela ali na mwonyo wa myaka yoshe.

Yowano 6:68

Simoni Petulu wamukumbulwile ngwendi, “Mwene, tuya kuli iyajo lalo? Yove uli na majwi aje aana mwonyo wa myaka yoshe.

Vilinga vya Miluwa 16:30

Asinoni wavatuwile anja wavehwile ngwendi, “Mwane, vikajo njinapande kulinga ngeci njovoke?”

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

1 Timateo 1:16

Oloni Njambi wanjizivilileko mema ku mbunge ngeci Kilistu Yesu anjimwese kushula kwa lukakateya lwendi ali yange, muka-kulinga vuvi kutuvakana voshe vaka-vuvi, ngeci njipwe cimweso kuli voshe vaje vakamukulaela munima vakawane mwonyo wa myaka yoshe.

1 Timateo 6:12

Lwa nzita yaivwa yakukulaela, nganyala mwonyo wa myaka yoshe, uje wakusanenene Njambi omo walitavelele ku mesho a vakaleo vavangi.

1 Timateo 6:19

Mu ngila eyi vene vakalitulikila vakevo vavenya vufuko vuje vukapwa luvula lwakukola lwa kulutwe. Co asinoni vakasa kuwana mwonyo, mwonyo uje unapu wa vushunga.

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

Tito 3:7

ngeci a kutetela kwendi vatupwise vaka-vushunga ku mesho a Njambi nakutwana mwonyo wa myaka yoshe uje tulinakukengezeka.

1 Yowano 1:2

Omo mwonyo ou washolokele, twaumwene, ngecivene, tulinakuwendeka nakumileka vya mwonyo wa myaka yoshe uje wakele amo na Tate, co vatushololwelewo.

1 Yowano 2:25

Co eci cikeco watukulaesele Kilistu vavenya kutwanaco, cikeco mwonyo wa myaka yoshe.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Yunda 1:21

kaleni mu cizemo ca Njambi, omo muvandamena kwija kwa Mwene yetu Yesu Kilistu a mema ku mbunge endi mukumyana mwonyo wa myaka yoshe.