Mateo 18:4 - Livulu lya Shukulu Kalunga

⁴ Woshe alikeesa ngwe mwanike wamundondo, ikeye napu wakama mu Vumwene vwa mwilu kutuvakana vakwavo.

Mateo 18:4 Iomraidhean Croise

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Mateo 18:1

A simbu ije vene vandongisi vezile kuli Yesu, co vamwihwile ngwavo, “Iyajo wakama kutuvakana vakwavo mu Vumwene vwa mwilu?”

Mateo 18:3

co wendekele kuli vakevo ngwendi, “Mwa vushunga njimileka ngwange, kuvanga mutenguluke nakupwa ngwe vanike vavandondo, kumukakovela mu Vumwene vwa mwilu.

Mateo 18:5

Woshe atambula mwanike wamundondo ngwe ou mu lizina lyange, co atambula yange vene.

Mako 10:43

Oloni, eyi kesi ikeyo ngila akati keni embwe. Nga umo weni ashaka kupwa wakama, ikeye napande kupwa ngamba ya vakwavo voshe,

Mako 9:34

Oloni kuvamukumbulwile, omwo vakele nakulikanangana akati kavo ngwavo iya napu wakama.

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

Luka 9:48

co wendekele kuli vakevo ngwendi, “Woshe atambula mwanike ou mu lizina lyange, co natambula yange vene, woshe uje anjitambula, natambula lalo uje wanjitumine. Omwo woshe uje napu wamundondo akati keni muvavoshe, ikeye napu wakama.”

Yakomba 4:10

Likeeseni yeni vavenya ku mesho a Njambi, co ikeye akamijundula.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”