Mateo 18:31 - Livulu lya Shukulu Kalunga

³¹ Omo vaje vakwavo vangamba vamwene cije calingiwile, vazivile manene kuvavala ku vimbunge, co vaile nakwambulula kuli mwene vyoshe vije vyalingiwile.

Mateo 18:31 Iomraidhean Croise

Kushangumuka 37:2

Co ou ukewo muzimbu wa naanga ya Yakomba. Yosefa wapwile mukwenje wa myaka likumi na itanu na ivali. Wakele nakunyunga vimanga na vimembe amo na vandolome vendi, vana va Mbileha na Zilipa mashano va ishe va mbanja. Yosefa wakele nakuleka ishe a vilinga vyavivi vya vandolome vendi vije vakele nakulinga.

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Myaso 119:158

Omo njikenga ali vaka-vungungu, njiziva kuviya manene mu mbunge, omwo kuvesi kunyunga mashiko ove.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Mateo 14:9

Co mwene wakele na vusiwa manene, oloni omwo a cikulaeso cije walisingile naco ku mesho a voshe vaje vatumbamene nendi amo ku mesa, co watavele kulomba kwendi.

Mateo 18:28

“Oloni ngamba uje vene omo watuukile, waliwanene na mukwavo uje wakele na likongo lyalindondo kuli ikeye. Wamukwatele, co washangumukile kumutikinya a mulivu nakumuleka ngwendi, ‘Fweta likongo lyove!’

Mateo 18:30

Oloni wavyanene, co wamutwalele nakumwaka mu kamenga noo nafwete lije likongo.

Mateo 18:32

Ngecivene, uje mwene wasanene uje ngamba ngeci aije, co wendekele kuli ikeye ngwendi, ‘Yove u ngamba wamuvi! Yange njakusambesele likongo lyove lyoshe liwatambwile kuli yange, omwo yove wanjilombele kukusambesa.

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Luka 14:21

Co uje ngamba waile wakalekele shukulu yendi vyuma vyoshe vije vivendekele. Co shukulu yendi waluvalele wendekele kuli ngamba yendi ngwendi, ‘Ya vwasi ku vitapalo na ku tuvingila twatundondo twakuya ku nganda ukalanye vaka-kuutwa na vaka-kujendoka na tupuputwa na vilema.’

Luka 19:41

Yesu wetele kuyehi na nganda, co omo waimwene, walilile manene

Loma 12:15

Vwaeleleni na vaje valinakuvwaelela, lileni na vaje valinakulila.

2 Kolinte 11:21

Njilinakwendeka na shwamwa, omwo twapwile tu vaka-kuzeya! Oloni nga umo aamuka kulishashela a cuma cimo, njendeka ngwe nji cilema, co nange lalo njikaamuka a cifwa cangacije.

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

VaHevelu 13:3

Anukeni vaje vali mu kamenga, ngwe neni lalo muli mu kamenga amo navo. Anukeni vaje valinakuyanda, ngwe neni lalo mulinakuyanda amo navo.