Mateo 18:28 - Livulu lya Shukulu Kalunga

²⁸ “Oloni ngamba uje vene omo watuukile, waliwanene na mukwavo uje wakele na likongo lyalindondo kuli ikeye. Wamukwatele, co washangumukile kumutikinya a mulivu nakumuleka ngwendi, ‘Fweta likongo lyove!’

Mateo 18:28 Iomraidhean Croise

Nehemiya 10:31

Nga vaka-kwija vanena tiliku nambe vyuma vyeka vyakulanda a Litangwa Lyakuhwima, nambe a litangwa lyakujela, kutukavilanda embwe. A mwaka wamucitanu na ivali kutukalimi mahya etu, co tukazimangana makongo oshe.

Nehemiya 5:7

co njayongwele kulingao cimo. Co njapopolwele vantwama na vamyata vavo, nakuvaleka ngwange, “Yeni mulinakuyandesa vandolome veni!” Njakungulwile vanu voshe nakukenga a vukalu ovu,

Visimo 28:3

Muka-kuutwa uje ayandesa tuutu, napu ngwe nyonzi ya lisindu-mbowe ije inyongesa vimbuto.

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Ezekiyele 45:9

Shukulu Kalunga wa Akamwa ya Vyoshe wendekele ngwendi, “Yeni vaka-kushwana va Isalele munavulumuna simbu yakama manene! Likeleni muuka na lipakeso. Lingeni vije vyakushungama na vushunga. Kesi lalo musheke vanu vange mu lifuti lyavo embwe. Yange Kalunga wa Akamwa ya Vyoshe, njimileka evi.

Mateo 18:27

Co mwene wamuzivilile mema ku mbunge, ngecivene, wamusambesele aje makongo endi, co wamwecelele.

Mateo 18:29

Ngecivene, uje mukwavo ngamba wawile asi wamulambelelele ngwendi, ‘Acinjivandameko tai, co njikakufweta vyuma vyoshe!’

Mateo 20:2

Ikeye walizivasanene navo kuvafweta fweto ya a litangwa mbongo ya siliva, co wavatumine ku lihya lyendi nakupanga.

Mako 14:5

Omwo mazi awa vanapandele kuwalandesa vimbongo vya siliva vyakupwa 300 nakuvyana ku tuutu!” Co valinyengele manene ali uje munakazi.

Mako 6:37

Oloni Yesu wavakumbulwile ngwendi, “Yeni vene vaaneni vyakulya ngeci valye.” Co vamwihwile ngwavo, “Kuma yove ushaka tuye nakulanda makende a vimbongo vya siliva vyakupwa 200 ngeci vakulye ndi?”

Luka 10:35

Alikaki wanonele vimbongo vivali vya siliva, wavyanene kuli vavenya njuvo, co wamulekele ngwendi, ‘Munyunge, vyoshe vije umbila ali ikeye, omo njikeluka njikakufweta.’ ”

Luka 7:41

Yesu wamulekele ngwendi, “Kwakele vanalume vavali vakumwine vimbongo kuli muka-kukumwisa. Umo wakumwine vimbongo vya siliva vyakupwa 500, mukwavo lalo wakumwine vimbongo vya siliva makumi atanu.

Yowano 6:7

Filipu wamukumbulwile ngwendi, “Vimbongo vya siliva vyakupwa 200 kuvyasa kupwisamo kulanda makende ngeci munu na munu atambule nameme kalikende kakandondo.”

Kwituluka mu Mashiko 15:2

Eyi ikeyo ngila yakusambesa. Munu woshe nakumwisa vimbongo kuli mukwavo kaIsalele, napande kumusambesa ku likongo lije. Co ikeye kapandele kwihula lije likongo kuli uje munu nambe kuli ndolome yendi embwe, omwo vavenya Shukulu Kalunga nasambesa laja lije likongo.