Mateo 18:22 - Livulu lya Shukulu Kalunga

²² Yesu wamukumbulwile ngwendi, “Kunjikuleka ngwange visimbu vitanu na vivali embwe, oloni visimbu makumi atanu na avali na visimbu vitanu na vivali,

Mateo 18:22 Iomraidhean Croise

Kushangumuka 4:24

Nga vanu vatanu na vavali vakalingila Kaini shambandinga, co vanu makumi atanu na vavali na vatanu na vavali vakanjilingila shambandinga, nga munu anjitsiya.”

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Mika 7:19

Ukatuzivila mema ku mbunge lalo. Ukalyatangela vuvi vwetu nakuvushekela a masima kwisi ya mema a kalunga.

Mateo 18:23

ngecivene, Vumwene vwa mwilu vunalifu ngwe umo mwene washakele kwilula makongo a vangamba vendi.

Mako 11:25

Co omo mwimana nakulombela, sambesa mukweni nga uli na vimo nendi, ngeci Ishweni ali mwilu akamisambesa neni lalo ku milonga yeni munalingi.

Loma 12:21

Kesi mutave vuvi vumihyane, oloni hyaneni vuvi na vuvwa.

Efeso 4:26

Nga muluvala, kesi mutave kuluvala kweni kumitwale ku vuvi, co kesi mutokese litangwa mukuluvala lika embwe.

Efeso 4:31

Tundiseni kulula kwoshe na mashungu na vukalu. Kesi kukale lalo kulijokota nambe kulishaula, kesi kukale lalo matumbe amavi akati keni.

Kolose 3:13

Pweni vaka-kulimanena umo na mukwavo, co lisambeseni umo na mukwavo nga umo weni alinakulinyenga ali mukwavo. Munapande kulisambesa umo na mukwavo ngwe mwanamisambesa Mwene.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.