Mateo 18:10 - Livulu lya Shukulu Kalunga

¹⁰ “Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 18:10 Iomraidhean Croise

2 Samwele 14:28

Co Avisalome wakele mu Yelusalema myaka ivali kamwene mwene.

1 Vimyene 22:19

Mikaya wamukumbulwile ngwendi, “Ololo tolilila eci cendeka Shukulu Kalunga! Njamwene Shukulu Kalunga natumbama a litanda lyendi mwilu, na tungelo twendi voshe vemanene kuli ikeye ku cilyo na ku cimoshwe.

Esita 1:14

Vaje vamukwasele manene kumunangula vapwile, Kaleshena na Shetale na Andemata na Tashishi na Melese na Malesena na Memukane vamyata vatanu na vavali va mu Pelesha na Mendiya vaje vakele na vitumbamo vyakama mu vumwene.

Myaso 15:4

Uje ayengula vaje vavyana Njambi, oloni asingimika vaje vakomoka Shukulu Kalunga. Ikeye simbu yoshe akalingi vije vyanakulaesa, nameme vyuma vifwe vati indi vati kuli ikeye.

Myaso 17:15

Oloni yange njikamona cihanga cove mu vushunga, co omo njikakasumuka mu tulo, njikajolela akumona cifwa cove.

Myaso 34:7

Kangelo ka Shukulu Kalunga akanyungu vaje vakomoka Shukulu Kalunga, nakuvapatula ku vushonde.

Myaso 91:11

Njambi akashika tungelo twendi nakukunyunga, vakakunyunga kwoshe kuje kuukaya.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Mateo 1:20

Oloni simbu wacikele nakuyongola ngeci, kangelo ka Mwene washolokele kuli ikeye mu njozi ngwendi, “Ove Yosefa, wa ku naanga ya Ndaviti, kesi uzive lyova lyakwambata munakazi wove Maliya, omwo kafumba aka kalinako kanatundu ku Munzinzime Wakujela.

Mateo 12:20

Kakapokola lihongo lyakutepama, nambe kuzima mulangi wakutsitsivala mu ndeya. Akamona ngeci vushunga vunahyana vuvi.

Mateo 18:14

Ngecivene, kesi cizango ca Ishweni ali mwilu ngeci umo wamundondo akanyonge.

Mateo 18:6

“Nga munu umo atanganesa mwanike wamundondo ngeci kesi akulaele kuli yange, mwamuvwa munu wangacije kumukutiiya limanya lyakama lyakulolela vunga mu mukoshi wendi nakumumbila a nzinga ya mema a kalunga.

Mateo 2:13

Omo vanai laja, kangelo ka Mwene washolokele kuli Yosefa mu njozi ngwendi, “Helonde ashakezeka mwanike ngeci amutsiye. Ngecivene, induka, ambata mwanike amo na vaina mutewele ku Ingito, mukakaleko noo njikakuleka ngeci mwiluke.”

Mateo 2:19

Oloni omo Helonde watsile, kangelo ka Mwene washolokele kuli Yosefa mu njozi ku Ingito, wendekele ngwendi,

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Luka 1:19

Co kangelo wamukumbulwile ngwendi, “Yange Ngambiliyele muka-kupangela Njambi uje nanjitumu kwendeka nove nakukunenela muzimbu ou wauvwa.

Luka 10:16

Yesu wendekele kuli vandongisi vendi ngwendi, “Woshe uje amitolilila, atolilila yange, woshe uje amivyana avyana yange, co woshe uje anjivyana, avyana uje wanjitumine.”

Luka 16:22

Co uje kautu watsile, co tungelo vamutwalele ku mati ya Avilahama ku ciwano mwilu. Co lalo uje fuki nendi watsile vamutsindile.

Vilinga vya Miluwa 10:3

Yapwile ola yamucitatu ku cingwezi omo wamwene mwamuvwa cimona muje mwamwene kangelo ka Njambi wezile kuli ikeye nakwendeka ngwendi, “Konelyasi!”

Vilinga vya Miluwa 12:15

Vamukumbulwile ngwavo, “Unazaluka!” Oloni ikeye wakele nakwendeka ngwendi mwa vushunga vene. Ngecivene, vakumbulwile ngwavo, “Amo kangelo kendi.”

Vilinga vya Miluwa 12:23

Aje vene kangelo ka Mwene wapupile Helonde, omwo kaanene kasingimiko kuli Njambi. Co mainyo vamulile, co watsile.

Vilinga vya Miluwa 27:23

Omwo ku vutsiki vunahu, kangelo ka Njambi uje kunjakundama uje lalo njikalemesa nezile kuli yange,

Vilinga vya Miluwa 5:19

Oloni ku vutsiki vuje vene kangelo ka Shukulu Kalunga washokolwele vikolo vya kamenga, co watuwile miluwa anja, wendekele kuli vakevo ngwendi,

Loma 14:10

Ngecivene, kuli yove ukali lika visapa-sapa, omwo vikajo uhisila mukweni? Co lalo yove ukali coshe-icoshe, omwo vikajo uyengwila mukweni? Yetu voshe tukemana ku mesho a Njambi nakutusompa.

Loma 14:21

Cuma cacivwa kulinga cinapu kujeneka kulya situ nakunwa vinyu, nambe kulinga cuma cimo ceka cije citanukisa mukweni.

Loma 15:1

Yetu tunakolo mukukulaela tunapande kukwasa vaje kanda vakole mukukulaela kwavo ngeci vambate vitele vyavo. Kutwapandele kulivwaelelesa yetu vavenya embwe.

1 Kolinte 11:22

Kuma kumwesi na vinjuvo vyeni ngeci mukalilemo nakunwilamo ndi? Nambe kuma mulinakushaula cikungulukilo ca Njambi nakuzivisa shwamwa vanu vaje vanajeneka ndi? Vikajo mushaka yange njendeke kuli yeni a cuma eci? Njimishangale ndi? Mwa vushunga vene kunjimishangala embwe!

1 Kolinte 16:11

Naumo wai napande kumuyengula, oloni munapande kumukwasa ngeci atwaleo mu vungenzi vwendi mu kwoloka, ngeci akeluke kuli yange, omwo yange njamuvandamena aije amo na vaka-kukulaela.

1 Kolinte 9:22

Akati ka vaje vanazeye mukukulaela kwavo nange lalo njipwa ngwe umo wavo mu kuzeya, ngeci njivawane. Ngecivene, njilipwisa umo mu vyoshe kuli vanu voshe, ngeci njovoleko vamo nga citava kulingamo.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 10:10

Omwo umo endeka ngwendi, “Mikanda ya Paulu yaikalu, ya nzili, oloni omo ali netu napu wakuzeya na vyendeka vyendi vyangoco!”

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 9:24

Omwo Kilistu kakovelele mu Mwela Wakujela wakutunga kuli vanu embwe, uje vatembunwinine ku uje wa vushunga. Ikeye waile mwilu, kuje nasholoka mukutwimanena ku mesho a Njambi.

Kujombolola 8:2

Asinoni njamwene tungelo vaje vatanu na vavali vaka-kwimana ku mesho a Njambi, co vavaanene malupembo atanu na avali.