Mateo 17:23 - Livulu lya Shukulu Kalunga

²³ co vakamutsiya, oloni omo kuneti matangwa atatu akasanguka.” Co vandongisi vazivile vusiwa vwakama manene.

Mateo 17:23 Iomraidhean Croise

Myaso 16:10

omwo kuukanjiseze mu vukalo vwa vatsi, nameme kutava muka-kujela wove ngeci akanyonge.

Myaso 22:15

Mulivu wange unominina cau, co ndaka yange inasata mu ndakwilo. Yove unanjiseza mu livu ngeci njitsilemo.

Isaya 53:7

“Vamuyandesele, oloni wolokele kuluu, wolokele kuluu ngwe manga uje vatwala nakumutsiya, ngwe manga uje oloka kuluu kuli vaka-kumuteula.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Mateo 17:9

Co omo vatundile ku munkinda, Yesu wavasin̄ikile ngwendi, “Kesi mukalekeko munu umo a vyuma evi munamono, kuvanga noo Muna Munu nasanguka ku vatsi.”

Mateo 20:19

co vakamwana kuli vaje kesi vaYunda vaje vakamushendumuna, nakumupupa, co vakamushukika a cilindakano, oloni omo kuneti matangwa atatu akasanguka.”

Mateo 27:63

vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’

Mako 8:31

Asinoni Yesu washangumukile kulongesa vandongisi vendi ngwendi, “Muna Munu napande kuyanda manene, co vakulunu vakamuvyana, na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni omo kuneti matangwa atatu akasanguka.”

Mako 9:30

Yesu na vandongisi vendi vatundile ku mutambela uje, co vaile vatuvakanene mu Ngalileya. Yesu kashakele ngeci vanu vazivuke kuje kwakele,

Yowano 16:6

Oloni omwo njinamileka vyuma evi, vimbunge vyeni vili na vusiwa.

Yowano 2:19

Yesu wavakumbulwile ngwendi, “Siwuleni eyi Njuvo ya Shukulu Kalunga, co njikaitungulula lalo a matangwa atatu.”