Mateo 17:21 - Livulu lya Shukulu Kalunga

²¹ Oloni ou munzinzime wakujwala wangeci, kuwesi kutunda na cuma ceka, kuvanga nakulomba nakulikela kulya.”

Mateo 17:21 Iomraidhean Croise

1 Vimyene 17:20

Asinoni walombelele na lijwi lyakama ngwendi, “Yove Shukulu Kalunga Njambi yange, omwo vikajo unalingila cuma cakukomokesa ngacije kuli ou fwile? Ikeye nakala na ngozi yakunjinyunga, co ololo unatsii munendi!”

Ndanyele 9:3

Co njalombelele manene kuli Shukulu Kalunga Njambi, nakulambelela kuli ikeye, nakulikela kulya, co njazalele cikeleya, nakutumbama mu lito.

Mateo 12:45

Asinoni uya nakunenelamo minzinzime yeka itanu na ivali yakujwala manene kutuvakana ukewo, ikovelamo nakutumbamamo. Co kuviya kwa munu uje kwakukotokela kukatuvakana kwakulivanga. Ngecivene, mucikapwa ku muyati ou wauvi wa vanu ava valelo.”

Mateo 17:22

Omo vandongisi valikungulwile amo mu Ngalileya, Yesu wendekele kuli vakevo ngwendi, “Muna Munu ololo vamwana ku mavoko a vanu,

Mako 9:29

Co Yesu wavakumbulwile ngwendi, “Kuvanga malombelo lika asa kutundisa munzinzime wakujwala wa cifwa eci, kukwesi cuma ceka lalo cai.”

Vilinga vya Miluwa 13:2

A simbu ije vapangelele Mwene nakulikela kulya, co Munzinzime Wakujela wendekele kuli vakevo ngwendi, “Njaangunwineniko Mbanambase na Saulu vapange vipangi vije njinavasanena.”

Vilinga vya Miluwa 14:23

Mu cikungulukilo na cikungulukilo vemikilemo vakulunu, co na malombelo nakulikela kulya vavakundikile kuli Mwene uje vakulaelele.

1 Kolinte 7:5

Kesi mulikanangane umo na mukwavo, kuvanga akulivanga mulizivasane akati keni a simbu imo ngeci mukale na simbu yakulombela, oloni mulikumbasane lalo mu vulo vweni, kutewa Satana amyeseka omwo kumwasa kulinyunga yeni vavenya.

2 Kolinte 11:27

Kwakele vipangi na tuyando, visimbu vyavingi njalalele cilavu-lavu, co njakele na njala na lihwila, co lalo visimbu vimo njajenekele vyakulya vyakupwisamo, nambe vyakunjivingilikiya ku lisika, nambe vuzalo.

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.