Mateo 17:18 - Livulu lya Shukulu Kalunga

¹⁸ Co Yesu washikile uje munzinzime wakujwala, co uje munzinzime wakujwala watundile muli ikeye, co uje mukwenje wakangukile a simbu ije vene.

Mateo 17:18 Iomraidhean Croise

Mateo 12:22

Asinoni vamunenelele munalume umo wa kapuputwa na vuveveve omwo wakele na munzinzime wakujwa. Yesu wamukangwisile, ngecivene, uje munalume wasele kumona nakwendeka.

Mateo 15:28

Ngecivene, Yesu wamukumbulwile ngwendi, “Ove munakazi kukulaela kwove kwakama manene! Cilingiwe kuli yove ngwe kukushaka kwove.” Co kutunda a simbu ije vene munendi wa munakazi wakangukile.

Mateo 17:17

Co Yesu wakumbulwile ngwendi, “Yeni vaka-kujeneka kukulaela, vanu vaka-vuvi! Visimbu vingaijo njikakala neni? Visimbu vingaijo njinapande kuyanda omwo yeni? Muneneni kuno kuli yange!”

Mateo 17:19

Asinoni vandongisi va Yesu vezile kuli ikeye kwavo lika, vamwihwile ngwavo, “Omwo vikajo yetu kutwasele kutundisa uje munzinzime wakujwala?”

Mateo 9:22

Yesu watengulukile wamumwene, co wendekele ngwendi, “Simpa, munange, kukulaela kwove kunakukangwisa.” Co uje munakazi kutunda simbu ije vene wakangukile.

Mako 1:34

Co Yesu wakangwisile vavangi vaje vakele nakuvinja mishongo yakuliseza-seza, co watundisile lalo minzinzime yakujwala yaingi. Co katavele minzinzime yakujwala yendeke cuma cimo, omwo ikeyo yamuzivukile.

Mako 5:8

Ou munalume wendekele evi omwo Yesu wendekele kuli ikeye ngwendi, “Ove munzinzime wakujwala, tunda muli munu ou!”)

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.

Luka 8:29

Wendekele ngeci omwo Yesu washikile uje munzinzime wakujwala kutunda muli ikeye, uje munzinzime wakujwala wamuyandesele visimbu vyavingi, co vanu vamunyungile nakumukuta malyenge ku mavoko nakumwaka mendi mu tukunju, oloni washutwile malyenge, co uje munzinzime wakujwala wamutwalele mu mambo.

Luka 9:42

Omo mukwenje wakele nakwija, co munzinzime wakujwala wamuwisilile asi nakumushinyisa manene. Co Yesu washikile uje munzinzime wakujwala, uje mukwenje wakangukile, co wamwanene kuli ishe.

Vilinga vya Miluwa 16:18

Co walingile eci matangwa amangi, oloni Paulu waviililile, co watengulukile wendekele kuli uje munzinzime ngwendi, “Mu lizina lya Yesu Kilistu njikushika ngwange tunda muli ikeye!” Co uje munzinzime watundile muli ikeye a simbu ije vene.