Mateo 17:12 - Livulu lya Shukulu Kalunga

¹² Oloni njimileka ngwange Elinja naija laja, vanu kuvamuzivukile, oloni vamulingile mwoshe muvashakelele. Ngecivene, mu ngila eyi vene vakayandesa Muna Munu.”

Mateo 17:12 Iomraidhean Croise

Mateo 11:2

Omo Yowano Muka-kumbwitika wakele mu kamenga wazivile a vipangi vya Kilistu, watumine vandongisi vendi vamo kuli ikeye,

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Mateo 17:11

Yesu wavakumbulwile ngwendi, “Elinja napande kwija akulivanga nakuvwaesa vyoshe.

Mateo 17:13

Asinoni vandongisi vazivukile ngeci nendeka navo vya Yowano Muka-kumbwitika.

Mateo 17:22

Omo vandongisi valikungulwile amo mu Ngalileya, Yesu wendekele kuli vakevo ngwendi, “Muna Munu ololo vamwana ku mavoko a vanu,

Mateo 17:9

Co omo vatundile ku munkinda, Yesu wavasin̄ikile ngwendi, “Kesi mukalekeko munu umo a vyuma evi munamono, kuvanga noo Muna Munu nasanguka ku vatsi.”

Mateo 21:32

Omwo Yowano Muka-kumbwitika wezile mukumimwesa ngila ya vushunga, co kumwamukulaelele, oloni vaka-kutambula lisimu na vikwizi vamukulaelele. Co nameme omo mwamwene evi, kumwatengulukile mu vimbunge vyeni ngeci mumukulaele.”

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Luka 7:33

Omo Yowano Muka-kumbwitika wezile, kalile vyakulya nambe kunwa vinyu, co mwendekele ngweni, ‘Ali na munzinzime wakujwala!’

Yowano 1:11

Ikeye wezile ku lifuti lyendi, oloni vanu vendi kuvamutambwile.

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Vilinga vya Miluwa 4:10

asinoni yeni voshe munapande kuzivuka, na vanu voshe va mu Isalele vanapande kuzivuka ngeci munu ou nemana ku mesho eni nakanguka mwamuvwa mu nzili ya lizina lya Yesu Kilistu wa ku Nazaleta, uje imwashukikile a cilindakano, uje yasangwile Njambi ku vatsi.

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.