Mateo 16:3 - Livulu lya Shukulu Kalunga

³ Co lalo ku mutondo mukendeka ngweni, ‘Lelo nyonzi ili muyehi nakunyoka, omwo mashelwa anazivuluka.’ Yeni mwasa kuseteka kutonola na ntwima omo mukenga lilu, oloni kumwasa kuzivuka vya visimbu nambe muvinalumbunukila vizivukiso evi.

Mateo 16:3 Iomraidhean Croise

1 Mizimbu 12:32

Kuli Isakale kwakele vaje vazivukile myaka, mukuzivuka muvanapande kulinga vaIsalele. Vantwama vavo vapwile 200.

Mateo 11:5

tupuputwa vatona, vilema venda, vaka-mbumba vajela, tusinda-matwi vaziva, vatsi vasanguka, tuutu vavambulwila Vin̄anda Vyavivwa.

Mateo 15:7

Yeni vaka-civembulu! Isaya muka-kwimanena wambulwile mamuvwa vyeni ngwendi,

Mateo 22:18

Oloni Yesu wazivukile laja viyongola vyavo na vutumbe vwavo vwavuvi, co wendekele ngwendi, “Yeni vaka-civembulu! Vikajo mulinakunjesekela?

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Mateo 4:23

Yesu wendanganene mu Ngalileya mwoshe, nakulongesa mu masinangonge avo, nakwambulula Vin̄anda Vyavivwa vya Vumwene nakukangwisa vanu voshe vaka-mishongo yoshe na vaka-kuvinja vakuliseza-seza.

Mateo 7:5

Ove muka-civembulu! Akulivanga tundisa mukambo uli mu lisho lyove, asinoni umone mwamuvwa akutundisa kacishoni kali a lisho lya mukweni.

Luka 11:44

Tuyando tweni! Omwo munalifu ngwe vimbumbo vyakujeneka cimweso aje vanu vendao kujeneka kuzivuka.”

Luka 12:56

Eni vaka-civembulu! Mukenga asi na lilu, co muzivuka vati kufwa litangwa lije, co omwo vika kumwasa kuzivuka muyinanungulukila simbu eyi?

Luka 13:15

Oloni Mwene wamukumbulwile ngwendi, “Eni vaka-civembulu! Kuma munu kesi kuzitula ngombe yendi mu licakana nambe cimulu cendi nakumutwala ku mema a Litangwa Lyakuhwima ndi?

VaHevelu 5:14

Oloni vyakulya vyakukola vyapwa vya vakulunu, vaje vanalilongesa nakwilula nakwangununa mukati ka vyuma vyavivwa nevi vyavivi.