Mateo 16:27 - Livulu lya Shukulu Kalunga

²⁷ Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 16:27 Iomraidhean Croise

Yombi 34:11

Ikeye aana cikandelela kuli vanu ngwe ku vilinga vyavo, nakuvapangesa kwesekesa ku vipangi vyavo.

Myaso 62:12

co njakala na cizemo cije kucesi kutenguluka.” Shukulu Kalunga, yove vavenya ukafwete munu na munu ngwe ku vipangi vyendi.

Visimo 24:12

Wasa kwendeka ngwove, “Ou kesi mulonga wange,” oloni Njambi azivuka viyongola vyove. Ikeye alinakukenga ali yove, co azivuka viyongola vyove. Co akakwana cikandelela ku vyuma vije ulinga.

Muka-kwambulula 3:17

Njalyendekesele mu mbunge yange ngwange, “Njambi asompa vaka-vushunga na vaka-vuvi mumolika, omwo vyuma vyoshe na vilinga vyoshe, vikalingiwa a simbu yavyo ivavimikila.”

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 32:19

Ukatumbu matumbe akujeneka mana, nakulinga vyuma vya nzili, ukamono vyuma vyoshe vije vivalinga vanu, co ukavana cikandelela kupwisa ngwe ku vilinga vyavo.

Ezekiyele 18:20

Kuvanga munu uje alinga vuvi ikeye lika atsa. Mwana kasa kuyanda omwo vuvi vwa ishe embwe, nambe ishe kasa kuyanda omwo vuvi vwa munendi embwe. Munu wamuvwa vakamwana cikandelela omwo akulinga vuvwa, co munu wamuvi akayanda omwo a vuvi vwakalingi.

Ezekiyele 7:27

Mwene akalila na vana va vimyene kuvakakala lalo na cinyangavili, co vanu vakajaja na lyova. Njikaminyanyamesa omwo a vyoshe vije vimunalingi, co njikamisompa mu ngila ije vene mwasompele nayo vakweni. Co eci cikamimwesa ngeci kuma yange Kalunga.”

Ndanyele 7:10

co tuhya twakele nakutundililako oku twezoka ngwe mema a mu ndonga. Vanu vavangi-vangi vamupangelele. Co vanu vakupwa 1,000,000 vemanene kulutwe lwendi mukumupangela. Vashangumukile kusompa, co vafukwile mavulu.

Zakaliya 14:5

Co yeni mukatewela mu cimbongo eci caangununa munkinda mu mitambela ivali. Mukatewa ngwe muvatewele vakukulwila veni omo lifuti lyajajele a simbu ya Mwene Uziya wa mu Yunda. Shukulu Kalunga Njambi yange akaija, akaija amo na tungelo twendi vakujela.

Mateo 13:41

Muna Munu akatuma tungelo twendi, co vakakungulula vyuma vyoshe vije vikanene vuvi na vaje voshe vaka-kulinga vuvi nakuvatundisa mu Vumwene vwendi.

Mateo 13:49

Ngecivene, mucikafwa akukotoka kwa kaye, tungelo vakaija nakwangula vaka-vuvi kuvatundisa ku vaka-vushunga.

Mateo 24:30

Asinoni cizivukiso ca Muna Munu cikasholoka mwilu, co miyati yoshe ya ano asi vakalila mbimbi-mitwe omo vakamona Muna Munu alinakwija a mashelwa na nzili na vumpau vwakama.

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Mateo 26:64

Yesu wamukumbulwile ngwendi, “Muunendeka mukemwo vene. Oloni njimileka muvavoshe ngwange, tunde a simbu ino mukamona Muna Munu natumbama ku livoko lya cilyo lya Muka-nzili yoshe, alinakwija a mashelwa!”

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Mako 14:62

Co Yesu wamukumbulwile ngwendi, “Yange vene, co yeni voshe mukamona Muna Munu natumbama ku livoko lya cilyo lya Muka-nzili yoshe, co alinakwija a mashelwa!”

Mako 8:38

Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Luka 21:27

Asinoni Muna Munu akasholoka akaija a mashelwa na nzili yakama na vumpau.

Luka 22:69

Oloni kutunda lelo nakutwala kulutwe Muna Munu akatumbama ku livoko lya cilyo lya Njambi Muka-nzili yoshe.”

Luka 9:26

Nga munu anjizivila shwamwa na vilongesa vyange, co na Muna Munu lalo nendi akamuzivila shwamwa omo akaija mu vumpau vwendi na mu vumpau vwa Ishe na mu vumpau vwa tungelo vakujela.

Yowano 21:22

Yesu wamukumbulwile ngwendi, “Nga njishaka ngwange ayoye noo njikaija, eci cinapu vatijo kuli yove? Yove njikave lika!”

Yowano 21:23

Ngecivene, muzimbu washandokelele akati ka vaka-kukava Yesu ngeci ndongisi ou kakatsi embwe. Oloni Yesu kendekele ngwendi kakatsi, oloni wendekele ngwendi, “Nga njishaka ngwange ayoye noo njikaija, eci cinapu vatijo kuli yove?”

Vilinga vya Miluwa 1:11

co vendekele ngwavo, “Eni vanalume va ku Ngalileya, omwo vikajo munemanena kuno nakukenga mwilu? Yesu ou vene, ivanatwala mwilu kutunda kuli yeni, akeluka lalo mu cifwa cije vene munamumono ayanaco mwilu.”

Loma 14:12

Ngecivene, yetu voshe, munu na munu akendeka vyendi vavenya ku mesho a Njambi.

Loma 2:6

Omwo Njambi akaana cikandelela kuli munu na munu kupwisa ku vipangi vyendi vije vyanalingi.

1 Kolinte 15:23

Oloni munu na munu akasangukila na ngila yendi, Kilistu ikeye mushoke wakulivanga ku voshe, asinoni na vaje vanakundama kuli Kilistu, vakasanguka omo akaija.

1 Kolinte 3:13

Co vipangi vya munu na munu vikasholoka a Litangwa lya Kilistu lije likavisholola. Omwo a Litangwa omwo vakavimwesa lije tuhya tukasholola vipangi vya munu na munu, tuhya tukavyeseka nakusholola seo yavyo.

1 Kolinte 8:8

Nameme ngoco, vyakulya kuvyasa kutuvwaesa ku mesho a Njambi, nacimo cai citukwasa nambe kutuli, co nacimo cai tuwanao nambe tulya.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Efeso 6:8

Anukeni ngeci Mwene akafweta munu na munu, nambe ndungo nambe wakupatuka, kupwisa ku vipangi vyendi vyalinakulinga.

Kolose 3:25

Co voshe vaka-kulinga vyavivi vakavafweta ku vyuma vyavivi vije valinakulinga, omwo Njambi akasompa munu na munu mu cifwa cimolika.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

1 Tesalonika 4:16

Kukakala mutambi wa lijwi lyakama lyakushika, lijwi lya kangelo wakama, nakwoya kwa lupembo lwa Njambi, co Mwene ikeye vavenya akashuluka kutunda mwilu. Co vaje vatsile mukukulaela kuli Kilistu vakasangukila ku mwonyo akulivanga,

Yakomba 5:7

Ngecivene, pweni vaka-kusimpa, vasamba vange, noo Mwene akaija. Kengeni kusimpa kwa ndimi omo avandamena lihya lyendi limene vimbuto vyavivwa. Akavandamena noo na ku nyangao na ku simbu ya ndombo.

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.

Yunda 1:14

Inoke lalo uje wapwile wamucitanu na umo ku vatekulwila va Andama, uje ku san̄ulu wambulwile vuka-kwimanena ali vakevo, co wendekele ngwendi, “Kengeni, Mwene akaija na makulukazi a tungelo twendi,

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

Kujombolola 20:12

Coi njamwene vatsi, vakama na ava vavandondo, vemanene kulutwe lwa litanda. Vafukwile mavulu, co lalo vafukwile livulu likwavo, likelyo livulu lya mwonyo. Co vatsi vavasompele ngwe ku vilinga vyavo vije vivalingile, ngwe muvavisonekele mu mavulu.