Mateo 16:16 - Livulu lya Shukulu Kalunga

¹⁶ Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 16:16 Iomraidhean Croise

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Mateo 1:16

Yakomba wakitile Yosefa uje wambatele Maliya vaina ya Yesu, uje vatumbwile ngwavo Wakuvwavesa.

Mateo 14:33

Asinoni vandongisi vaje vakele mu vwato valemesele Yesu vendekele ngwavo, “Mwa vushunga vene yove u Muna Njambi!”

Mateo 16:15

Wavehwile ngwendi, “Yeni oni munjitumbula ngweni yange iya?”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Mateo 4:3

Co Liyavola wezile kuli ikeye wendekele ngwendi, “Nga u Muna Njambi, shika mamanya awa ngeci alimuke makende.”

Mako 14:61

Oloni Yesu wolokele kuluu kendekele nambe lijwi limo lyai. Muka-kukombelela Wakama wamwihwile lalo ngwendi, “Yove u Wakuvwavesa, Muna Njambi Wakuvezika ndi?”

Luka 2:11

Vutsiki vuno vene mu nganda ya Ndaviti munasemuka Muyoyesi weni, ikeye Kilistu Mwene!

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 11:27

Wakumbulwile ngwendi, “Eyo Mwene, njinakulaela ngeci yove u Wakuvwavesa, Muna Njambi, uje akaija ano a kaye.”

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 6:57

Tate wakuyoya ikeye wanjitumine, omwo ikeye ngeci yange njilinakuyoya lalo. Mu cifwa cimolika uje anjilya akayoya omwo yange.

Yowano 6:68

Simoni Petulu wamukumbulwile ngwendi, “Mwene, tuya kuli iyajo lalo? Yove uli na majwi aje aana mwonyo wa myaka yoshe.

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Vilinga vya Miluwa 8:37

Filipu wamukumbulwile ngwendi, “Citava kukumbwitika nga unakulaela na mbunge yove yoshe.” Ikeye wamukumbulwile ngwendi, “Mwa vushunga vene njinakulaela, njinakulaela ngeci Yesu Kilistu ikeye Muna Njambi.”

Vilinga vya Miluwa 9:20

Co waile ku masinangonge washangumukile kwambulula ngeci Yesu ikeye Muna Njambi.

Loma 1:4

ngwe ku vu Njambi vwendi vwakujela, vamumwesele na nzili yakama kupwa Muna Njambi omo vamusangwile ku vatsi.

2 Kolinte 1:19

Omwo Yesu Kilistu Muna Njambi, uje vambulwile akati keni kuli Silase na Timateo nange vene, kesi ikeye umo uje napu “Eyo” nambe “Embwe.” Oloni muli ikeye mwakala lika “Eyo”,

2 Kolinte 3:3

Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Kwituluka mu Mashiko 5:26

Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye?

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

VaHevelu 10:31

Cinapu cuma cakujajesa kuwila mu mavoko a Njambi wakuyoya!

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

1 Yowano 4:15

Nga tutava ngwetu Yesu wapwa Muna Njambi, tuyoya muli Njambi na Njambi ayoya muli yetu.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

1 Yowano 5:5

Iyajo asa kuhyana vya a kaye? Kuvanga uje lika nakulaela ngwendi Yesu ikeye Muna Njambi.

Kujombolola 7:2

Co njamwene kangelo mukwavo atundilila mu ngangela na kasateso ka Njambi wakuyoya. Watambekele na lijwi lyakama kuli vaje tungelo vawana vaje Njambi waanene nzili yakuviisa asi na mema a kalunga.