Mateo 15:32 - Livulu lya Shukulu Kalunga

³² Yesu wasanene vandongisi vendi vaije kuli ikeye, co wendekele ngwendi, “Njazivila vanu ava mema ku mbunge, omwo vanatumbama nange matangwa atatu, co kuvesi na vyakulya ngeci vyalye. Kunjishaka kuvashandola na njala, amo vatsila lusike mu ngila.”

Mateo 15:32 Iomraidhean Croise

2 Vimyene 4:42

Co a simbu ikwavo kwezile munu wa ku Mbale Shalisha, wanenelele Elisha mikasha ya makende makumi avali akulinga na vunga vwa mbale ya maumwa yakulivanga kuteja a mwaka uje vene, na tiliku yaiha. Co Elisha walekele ngamba yendi kwana vije vyakulya ku mbunga ya vaka-kwimanena,

Mateo 12:40

Omwo ngwe Yona wakele matangwa atatu mutanya na vutsiki mwimo lya liisi lyakama, ngecivene, na Muna Munu lalo akakala matangwa atatu mutanya na vutsiki mwisi ya livu.

Mateo 14:13

Omo Yesu wazivile muzimbu wa kutsa kwa Yowano, watundile ku mutambela uje mu vwato, waile mu mambo kwendi lika. Oloni omo vanu vavizivile vasezele membo avo, co vamukavele.

Mateo 15:33

Co vandongisi vendi vamwihwile ngwavo, “Kulijo tuwana vyakulya vyakupwamo vyakulisa mbunga eyi yakama muno mu mambo yangoco?”

Mateo 20:34

Co Yesu wavazivilile mema ku mbunge, wakwatele ku mesho avo, aje vene vatonene, co vamukavele.

Mateo 27:63

vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’

Mateo 9:36

Omo wamwene vimbunga vya vanu, wavazivilile mema ku mbunge, omwo vakele nakuyandangela nakujuka, ngwe vimanga kuvesi na kanyungi.

Mako 9:22

Co visimbu vyavingi ou munzinzime wakujwala ukashaka kumutsiya akumuwisila mu tuhya na mu mema. Tuzivileko mema ku mbunge nakutukwasa, nga wasa!”

Luka 7:13

Omo Mwene wamumwene, co wamuzivilileko mema ku mbunge, co wendekele kuli ikeye ngwendi, “Kesi ulile.”

Vilinga vya Miluwa 27:33

Omo litangwa kanda likye, Paulu wavalombele voshe valye vyakulya ngwendi, “Munakala nakuvandamena matangwa likumi na awana, co simbu yoshe eyi kumwalile vyakulya.

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.