Mateo 15:31 - Livulu lya Shukulu Kalunga

³¹ Ngecivene, vije vimbunga valikomokelele omwo vamwene tuveveve valinakwendeka, na vaka-kusekwa mendi na mavoko valimwamuvwa, na vilema valinakwenda, co na tupuputwa vamona, co valemesele Njambi wa Isalele.

Mateo 15:31 Iomraidhean Croise

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 50:23

Munu woshe akombelela n̄ombelo ya cikandelela anjisingimika. Co uje ashungamesa ngila yendi, njikamumwesa kwamena kwange.”

Kutuuka 24:10

vamwene Njambi ya Isalele. Co mwisi ya mendi endi mwakele cimo califwile ngwe luvula lwakujala na mamanya a safile cakuzivuluka ngwe lilu.

Mateo 15:30

Co vimbunga vyakama vezile kuli ikeye, vamunenelele vilema, na tupuputwa, na vaka-kusekwa mendi na mavoko, na tuveveve, co na vanu veka vavangi vaka-mishongo, vaje vavatumbikile ku myanja ya Yesu, co ikeye wavakangwisile.

Mateo 18:8

“Co nga livoko lyove nameme lindi lyove likutanukisa ngeci uzimbalese kukulaela kwove, livatuleko ulyumbile kuti! Mwavuvwa kuli yove kukovela mu mwonyo wa myaka yoshe na livoko limo nameme lindi limo kutuvakana kukala navyo vyoshe ngeci vakumbile mu tuhya twa myaka yoshe tuje kutwesi kuzima.

Mateo 21:14

Co tupuputwa na vilema vezile kuli Yesu mu Njuvo ya Shukulu Kalunga, co wavakangwisile.

Mateo 8:10

Omo wazivile evi, Yesu walikomokelele, co wendekele kuli vanu vaje vamukavele ngwendi, “Mwa vushunga njimileka ngwange, nameme mu lifuti lya Isalele, kumwesi muka-kukulaela wangacije.

Mateo 9:32

Omo vatundileko, vanu vamo vanenele kaveveve kuli Yesu, omwo wakele na munzinzime wakujwala.

Mateo 9:33

Oloni omo Yesu watundisile uje munzinzime wakujwala, uje munalume wendekele, co vanu voshe vakomokele vendekele ngwavo, “Yetu kanda tumone cuma cakufwa ngacije mu Isalele!”

Mateo 9:8

Omo vanu vacimwene, vakele na lyova, co vashangazalele Njambi uje waanene vanu moko yakufwa ngacije.

Mako 2:12

Omo voshe vakele nakukengelela, uje munalume wakatukile, wambatele linala lyendi, co watuukile vwasi. Co voshe valikomokelele, co vashangazalele Njambi, vendekele ngwavo, “Kanda tumone vyuma vyakufwa ngacije!”

Mako 7:37

Co voshe vaje vavizivile valikomokelele ngwavo, “Alinakulinga vyoshe mwamuvwa! Nameme tusinda-matwi vaziva na tuveveve vendeka!”

Mako 9:43

Co nga livoko lyove likutanukisa ngeci uzimbalese kukulaela kwove, livatuleko! Mwamuvwa kuli yove kukovela mu mwonyo wa myaka yoshe na livoko limo kutuvakana kukala na mavoko oshe avali ngeci vakumbile mu tuhya twa myaka yoshe tuje kutwesi kuzima.

Luka 14:13

Oloni omo ulinga ciwano, lanyako vaka-kuutwa na vaka-kujenduka na vilema na tupuputwa,

Luka 14:21

Co uje ngamba waile wakalekele shukulu yendi vyuma vyoshe vije vivendekele. Co shukulu yendi waluvalele wendekele kuli ngamba yendi ngwendi, ‘Ya vwasi ku vitapalo na ku tuvingila twatundondo twakuya ku nganda ukalanye vaka-kuutwa na vaka-kujendoka na tupuputwa na vilema.’

Luka 18:43

Co aje vene watonene, wakavele Yesu, nakushangazala Njambi. Omo vanu vacimwene, co voshe vashangazalele Njambi.

Luka 7:16

Voshe vazivile lyova, co vashangazalele Njambi, vendekele ngwavo, “Muka-kwimanena wakama nasholoka akati ketu, Njambi naija nakwovola vanu vendi!”

Yowano 9:24

Ngecivene, vasanene uje munalume wapwile kapuputwa lwamucivali vamwihwile ngwavo, “Kulaesa ku mesho a Njambi ngeci wendeka vushunga! Tunazivuka ngwetu munalume ou nakutonesa napu muka-vuvi.”