Mateo 15:19 - Livulu lya Shukulu Kalunga

¹⁹ Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Mateo 15:19 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Myaso 119:113

Njazinda vanu vaje vaka-kujeneka kulongwa kuli yove, oloni yange njazema mashiko ove.

Visimo 22:15

Vulema vukasata mu vimbunge vya vanike, oloni kuvapupanga vivanzi vyakuvalongesa, co civutundisamo.

Visimo 24:9

Viyongola vya vulema vyapwa vuvi. Vanu vazinda munu uje ashendumuna vakwavo.

Visimo 4:23

Nyunga viyongola vyove, omwo viyongola vyove vikevyo kavwelu-vwelu ka mwonyo.

Visimo 6:14

Simbu yoshe vatumba matumbe a vuvi mu vimbunge vyavo, co vashangumuna vukalu kwoshe-ikwoshe.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Kulava 22:29

Co Mbalame wamukumbulwile ngwendi, “Omwo wanjimono vulema! Nga njinakele na mukwale mu livoko lyange, ngwe njinakutsii ololo vene.”

Mateo 15:20

Evi vyoshe vikevyo vikaviisa munu. Oloni kulya na mavoko akujeneka kujwela kuvyasa kuviisa munu.”

Mateo 5:28

Oloni yange njimileka ngwange, woshe akenga shwii munakazi na lishungu nalingi laja nendi vupangala mu mbunge yendi.

Mateo 9:4

Oloni Yesu wazivukile viyongola vyavo, co wavehwile ngwendi, “Vikajo mulinakuyongwela vyuma vyavivi mu vimbunge vyeni?

Vilinga vya Miluwa 8:22

Ngecivene, tenguluka utunde ku viyongola vyove vyavivi, co lomba kuli Mwene ngeci akusambese ku viyongola vyove ngwe evi.

Loma 7:18

Omwo njazivuka ngwange kumwesi vuvwa muli yange, mu vusitu vwange. Nameme muli yange muli lishungu lyakulinga vyavivwa, oloni kunjasa kulingamo.