Mateo 14:29 - Livulu lya Shukulu Kalunga

²⁹ Ikeye wamukumbulwile ngwendi, “Ija!” Ngecivene, Petulu watundile mu vwato nakwenda akamwa ya mema kuya kuli Yesu.

Mateo 14:29 Iomraidhean Croise

Mateo 14:28

Co Petulu wamukumbulwile ngwendi, “Mwene, nga mwa vushunga yove, njitave njende a mema njije kuli yove.”

Mateo 14:30

Oloni omo wazivile lihunzi nakumona mankimba, wazivile lyova, co washangumukile kumbwitama, watambekele ngwendi, “Mwene, njovole!”

Mateo 17:20

Yesu wavalekele ngwendi, “Omwo kukulaela kweni kwakundondo. Mwa vushunga njimileka ngwange nga kukulaela kweni kunapu kwakama ngwe kanona ka mbuto ya musalata, mwasa kwendeka ku munkinda ngweni, ‘Tunda kuno, ya kuje.’ Co ukaya, co nga nacimo cai cimukonwa!

Mateo 21:21

Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene.

Mako 9:23

Co Yesu wamulekele ngwendi, “Eyo, nga yove vavenya wasa! Vyuma vyoshe vyasa kulingiwa kuli uje akulaela.”

Luka 17:6

Mwene wavakumbulwile ngwendi, “Nga mwakele nakukulaela kwakama ngwe mbuto ya musalata, ngwe mwasa kwendeka ku muti ou wa mukuyu ngweni, ‘Tukuka ukashimbame mu mema a kalunga!’ Co ukewo umyononoka.

Vilinga vya Miluwa 3:16

Co yapwile nzili ya lizina lyendi ikeyo inakangwisa munu ou. Evi vimunamono nevi vimunazivuka vinalingiwa akukulaela mu lizina lyendi, kukulaela kuli Yesu kukekwo kunamukangwisa, ngwe mumunamono yeni voshe.

Loma 4:19

Avilahama a simbu ije wakele na myaka 100, oloni kukulaela kwendi kukwazeyele omo wayongwele a muvila wendi uje wakele kuyehi na kutsa, nambe a cuma cije ngeci Sala kasa kukita vana.

Filipu 4:13

Njasa kulinga vyuma vyoshe a nzili ije yananjana Kilistu.