Mateo 13:6 - Livulu lya Shukulu Kalunga

⁶ Oloni omo litangwa lyatuukile nakutwa litanya, co vije vimbuto vyajujwamene, omwo mizi yavyo kuyakovelele manene mu livu, co vije vimbuto vyomine vwasi cau.

Mateo 13:6 Iomraidhean Croise

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Mateo 13:21

Oloni kulyesi na mizi muli vakevo yai, co likala kasimbu kakandondo lika. Co omo tuyando twija nambe mapakeso omwo lijwi, co aje vene valikela.

Mateo 13:5

Vimbuto vikwavo vyawililile a mamanya aje kwaakele livu lyalingi. Co vwasi-vwasi vije vimbuto vyashangumukile kumena, omwo kwaakele livu lyalingi.

Mateo 13:7

Vimbuto vikwavo vyawililile akati ka mambimbo, co aje mambimbo akulile avitivile.

Mako 4:6

Co omo litangwa lyatuukile, nakutwa litanya, co vije vimbuto vyajujwamene, omwo mizi yavyo kuyakovelele manene mu livu, co vije vimbuto vyomine vwasi cau.

Luka 8:13

Co vije vimbuto vyawililile a mamanya vinemanena vaje vaziva lijwi, co valitambula nakujolela, oloni kulyasa kukovela manene muli vakevo, vakulaela lika kasimbu, oloni omo vyeseko vija, co aje vene valikela.

Efeso 3:17

co njilomba ngwange Kilistu akale mu vimbunge vyeni akukulaela. Njilomba ngwange mushalave mizi na luvula lweni mu cizemo,

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 2:7

Mizi yeni ishalave manene muli ikeye, tungileni myonyo yeni ali ikeye, co pweni vaka-nzili manene mukukulaela kweni, ngwe muje muvamilongesele. Co shuleni nakukandelela.

Kujombolola 7:16

Vakevo kuvakazivi lalo njala nambe lihwila, co lalo litangwa nambe lihunzi lya ntwima kulikavenyeka embwe,