Mateo 13:57 - Livulu lya Shukulu Kalunga

⁵⁷ Co vakevo vamuvyanene. Oloni Yesu wendekele kuli vakevo ngwendi, “Muka-kwimanena kesi na kasingimiko hembo lyendi na ku vavushoko vwendi na ku naanga yendi kuvanga kweka.”

Mateo 13:57 Iomraidhean Croise

Isaya 49:7

Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Isaya 8:14

Omwo Akujela kwange kwakukomokesa, njapwa ngwe limanya lyakutanukisa vanu, njapwa ngwe mweto wakukwikiya vanu va vumwene vwa Yunda na Isalele, na vanu va Yelusalema.

Mateo 11:6

Co vanavezika vaje kuvesi na vimata ali yange!”

Mateo 13:58

Co kalingile vizivukiso vyavingi kuje omwo kuvakulaelele.

Mako 6:1

Yesu watundile kuje welukile kwimbo lyendi, co vandongisi vendi vamukavele.

Mako 6:14

Mwene Helonde wazivile evi vyoshe, omwo lutsimo lwa Yesu lwaile kwoshe-ikwoshe. Vanu vamo vakele nakwendeka ngwavo, “Yowano Muka-kumbwitika nasanguka ku vatsi! Mukemwo ali na nzili yakama yakulinga vizivukiso.”

Mako 6:3

Kuma kesi ikeye muka-kushonga, muna Maliya, na ndolome ya Yakomba, na Yosefa, na Yundasa, na Simoni ndi? Co kuma kutwesi na vandokazi vendi kuno ndi?” Co vakevo vamuvyanene.

Mako 6:4

Co Yesu wendekele kuli vakevo ngwendi, “Muka-kwimanena kesi na kasingimiko hembo lyendi na ku vavushoko vwendi na ku naanga yendi kuvanga kweka.”

Luka 4:24

Mwa vushunga njimileka ngwange, muka-kwimanena naumo wai ivatambula mwamuvwa mu nganda yendi.

Luka 7:23

Vanavezika vaje kuvesi na vimata ali yange!”

Yowano 4:44

Omwo ikeye vavenya wendekele ngwendi, “Muka-kwimanena naumo wai ivasingimika mu lifuti lyendi.”

Yowano 6:42

Ngecivene, vendekele ngwavo, “Ou munalume kesi ikeye Yesu muna Yosefa ndi? Tuzivuka ishe na vaina. Vatijo ololo endeka ngwendi watundile mwilu?”

Yowano 6:61

Oloni Yesu wazivukile ngeci vandongisi vendi vakele nakungunguta omwo lijwi eli, ngecivene, wendekele kuli vakevo ngwendi, “Cuma eci cimilingisa ngeci mulikele ndi?