Mateo 13:52 - Livulu lya Shukulu Kalunga

⁵² Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”

Mateo 13:52 Iomraidhean Croise

Ezela 7:10

Ezela waakele mbunge yendi mukulilongesa Mashiko a Shukulu Kalunga, nakuwalinga, nakulongesa vizilika na vilongesa vya Shukulu Kalunga kuli vanu vaIsalele.

Ezela 7:21

“Yange Mwene Aletasheleshe, njinashiki vamyata voshe vaka-kunyunga mbango ya vumwene mu lifuti lya mu Kangombe ka Yambi ka Yufuleti kwana vwasi Ezela, muka-kukombelela na muka-kulilongesa Mashiko a Njambi wa Mwilu, vyuma vyoshe vije vyamilomba,

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Visimo 11:30

Yoya mu vushunga, co uwana mwonyo, oloni lwozi lutwala lika ku kutsa.

Visimo 15:7

Majwi a vaka-mana ashandola mana, oloni vikuyongola kwa vilema kesi kwa mana embwe.

Visimo 18:4

Majwi a munu wa mana anapu ngwe mema akutunda ku kavwelu-vwelu kakulova.

Myaso ya Solomoni 7:13

Mandeleke alinakunika lwengo lwaluvwa, ku vikolo vyetu kuli miyati yoshe ya vushuka vwa seo, vushuka vwavuha novu vwalaja, vuje vunjakutulikila yove muka-cizemo cange.

Mateo 12:35

Munu wamuvwa ikeye muka-kusholola vyuma vyavivwa ku vufuko vwendi vwavuvwa vwa mu mbunge, co munu wamuvi akasholola vyuma vyavivi ku vufuko vwendi vwavuvi vwa mu mbunge.

Mateo 13:51

Yesu wavehwile ngwendi, “Vyuma vyoshe evi munavizivuka ndi?” Vakumbulwile ngwavo, “Eyo.”

Mateo 13:53

Omo Yesu wamanesele kwendeka visimo evi, watundile ku mutambela uje,

Mateo 23:34

Ngecivene, njimileka ngwange, njikamitumina vaka-kwimanena na vaka-mana, na valongisi va majwi a Lishiko, vamo mukavatsiya, co vakwavo mukavashukika a cilindakano, veka lalo mukavapupanga makote mu masinangonge eni, co mukavasheka ku nganda na nganda.

Mateo 28:19

Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela.

Luka 11:49

A cuma eci Mana a Njambi anendeka ngwawo, ‘Njikavatumina vaka-kwimanena na miluwa, vakatsiya vamo vavo, co vamo vakavayandesa.’

Yowano 13:34

Co njimyana lishiko lyaliha ngwange, lizemene umo na mukwavo. Ngwe yange munjinamizeme, ngecivene, munapande kulizema umo na mukwavo.

2 Kolinte 6:10

nambe tulinakuviilila, oloni simbu yoshe tulinakujolela, tulinakusholoka ngwe tu tuutu, oloni tunapwisa vanu vavangi vaka-kufuka, tulinakusholoka ngwe kutwesi nacimo cai, kuma tunafuku vyuma vyoshe.

Efeso 3:4

co nga mukalava vije vinjasoneka mwasa kulilongesa nakuzivuka visin̄iko vya Kilistu.)

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Kolose 1:7

Mwalilongesele vya kutetela kwa Njambi kuli Epafalase, ngamba mukwetu itwazema, uje napu muka-kupanga wa kulongwa wa Kilistu ku mutambela wetu.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

1 Timateo 3:6

Kapandele kupwa munu uje nakulaela ololo, kutewa akalyalesa, co akavindama, ngwe mwalingile Liyavola.

Tito 1:9

Napande kupwa muka-kukakateya mu lijwi mbe, lije vasa kukulaela, co lilitavasana nakulongesa kwetu. Mu ngila eyi vene akasa kutakamesa vakwavo na vilongesa vya vushunga, nakusholola lalo milonga ya vaje valinakushaula lijwi.